ஹா..ஹா...ஹாஸ்யம்

செந்திலும் ஐயனாரும்

2012-01-23T18:29:00.001+05:30

அண்ணே பாருங்க நான் எவ்வளவு சீப்பா சாமானெல்லாம் வாங்கி வந்திருக்கேன்னு
அடே என் செல்லம் எங்கேடா கத்துக்கிட்டே
எல்லாம் நீங்க சொல்லிக்கொடுத்த லெசன்ணே
என்னமா ஜொலிக்குதுடா உன் மூளை....
சரி என்ன வாங்கினே எவ்வள்வுக்கு வாங்கினே காட்டு பாப்போம்
இதோ பாருங்க இந்த டவல், 100ன்னு சொன்னான் நான் 25.ஐயனாருக்கு வாங்கிட்டேன்
இது கைவச்ச பனியன் 70 சொல்லி 30 ஐயனாருக்கு கொடுத்தாகுடு இல்லேன்னா நீயே போட்டுக்கன்னு வீசீட்டேன்
இது 40 ஐயனார்
இந்த கண்ணாடி 67 ஐனார்
இந்த டார்ச் லைட் வெறும் 10 ஐயனார்தான்
அப்படியே காய்கறிக்கடைக்குப் போனேன்
வாழைக்காய் 2 ஐயனார்
கேரட் கிலோ 12 ஐயனார்....
ஏய் ஏய் ஸ்டாப்
இருங்கண்ணே இன்னும் பாக்கி இருக்கு,
என்ன இது? நீ வாங்கின சாமானுக்கு விலை சொல்றியா? அல்லது உங்க ஊர் ஐயனாருக்கு நேந்து விடுறியா...?
என்னடா....? என்னை என்ன பைத்தியக்காரன்னு நினைச்சியா எதை எடுத்தாலும் ஐயனார் ஐயனார் ன்னு சொல்லிட்டு.......
நேத்து ஒரு சூப்பர் மார்க்கெட் போனோமா
ஆமா அங்கே எங்கேடா ஐயனார் வந்தார்...
அங்கேதாண்ணே இந்த ஐயனாரையே கண்டு பிடிச்சேன்
ஒரு குக்கரை எடுத்தேன் அதிலே 2300 ஐயனார்ன்னு விலை போட்டிருந்துச்சு...இப்படியே எதை எடுத்தாலும் ஐயனார் ஐயனார்ன்னுதாண்ணே இருந்துச்சு....நான் என்ன நினைச்சேன், இனிமே ரூபாய்ன்னு சொல்லக்கூடாது ஐயனார்ன்னுதான் சொல்லணும்னு கண்டு பிடிச்சென்...எப்படிண்ணே என் கண்டு பிடிப்பு?பாராட்டுங்கண்ணே...
அட சட்டித் தலையா
ப்ளேகிரவுண்ட் மண்டையா
குள்ளக் கொடுக்கு
எதுக்குண்ணே என்னை இப்படியேல்லாம் இன் ஜல்ட் பண்றீங்க...
டேய் அது ஐயனார் இல்லேடா....
ஐயனார் இல்லையா !!!!!!!அப்படியெல்லாம் யோசிக்காம சொல்லாதீங்க ஐயனார் கண்ணைக் குத்தப் போறார்
இப்போ நான் உன் கண்ணைக் குத்தப்போறேன்
மடையா ஐயனார்ன்னா, ஐ.என்.ஆர். அப்படீன்னா,iஇந்தியன் ரூபாய் ,அதாண்டா ,இந்தியன் நேஷனல் மணி..
என்னது இந்தியன் நேஷனல் கவுண்டமணியா
அடி செருப்பாலே
டேய் இவனை யாராவது கெட்டியா பிடிங்க ...நாலு சாத்து சாத்தாணும்...
என்னை எதுக்கு சாத்தணும் நான் என்ன கதவா......

டேய் அவனைப் பிடிங்கடா...

கார்ட்டூனிஸ்ட் கோமா

2012-01-18T20:22:00.001+05:30

தம்பி !ஆ காட்டு .....

அ ஆ கூட தெரியாம எப்படி அங்கிள் டாக்டரா ஆனீங்க?

---------------------------------------------------------------------

தலைவர் எதுக்கு இப்படி கோபமா எல்லோரையும் திட்டிட்டு இருக்கார்?

அதுவா ?திட்டக் கமிஷன்லே அவரைப் போடலையாம் ..

------------------------------------------------------------------------------

பேப்பர்லே என்ன ந்யூஸ்....
ஓசிலே பேப்பர் வாங்கி படிச்சவனை ஒருத்தன் போட்டுத் தள்ளிட்டானாம்
-------------------------------------------
அடுத்த முயற்சி இன்னும் மிளிரும் .கைகளும் விரல்களும் வரைவது எவ்வளவு பழகவேண்டும் என்பதை தெரிந்து கொண்டேன் .கைகள் கைவர நாளாகும்

செந்திலின் சந்தேகங்கள்

2012-01-17T17:31:00.003+05:30

அண்ணே அண்ணே ஒரே ஒரு நிமிஷம் நில்லுங்கண்ணே,ஒரு மீட்டர் வாங்கிட்டு வந்துடுறேன்...

ஒரு மீட்டர் என்னடா வாங்கப் போறே?

ரிப்பன் ண்ணே

இங்கே எங்கேடா ரிப்பன் கிடைக்கும்?

அதோ பாருங்கண்ணே ரிப்பன் பில்டிங்

.டேய் காஞ்ச மண்டை அது ரிப்பன் பிரபு பில்டிங்..

பிரபுவுக்கு எதுக்குண்ணே ரிப்பன்..அவர் பெரிய ரிப்பன் வியாபாரியாண்ணே

டேய் வேண்டாம் உதை படாதே.

--------------------------------------------

சரிண்ணே ரிப்பனை விடுங்கண்ணே ..ஒரு ’தம் ’வாங்கிட்டு வரவாவது விடுங்கண்ணே..

என்னது தம்மா?!!!!!!!

ஆமாண்ணே அங்கே பாருங்க சார்மினார் ஃபேக்டரி..

ஒரு பாக்கெட் வாங்கிட்டு வந்துடுறேன்..விடுங்கண்ணே உங்களுக்கு வேணும்னாலும் வாங்கிட்டு வந்து ஒழுங்கா தரேன்

டேய் டேய் என் கோபத்தைக் கிண்டாதே

அது தொழுகை பண்ற இடம்டா....

அது என்ன சார் மினார்

டேய் காலி தலையா...சார்ன்னா நாலு ...மினார்ன்னா தூண் ,அதான் சார்மினார்.

அப்போ குதுப்ன்னா ஒண்ணா அண்ணே

என்னடா சொல்றே குதுப்ன்னா ஒண்ணான்னு கேக்றேன்

டெல்லிலே குதுப் மினார்ன்னு இருக்கே ஒரே ஒரு தூண்தானே அப்போ ’குதுப்’னா ஒண்ணு ன்னுதானே அர்த்தம் ’ஏக்’ன்னும் சொல்லலாம் குதுப்ன்னும் சொல்லலாம் அப்படித்தானே அண்ணே...என்ன ஹிந்தியோ...

டேய் அவனைப் பிடிங்கடா ...

---------------------------------------------..

அண்ணே யார்ண்ணே இது
இதுவா ?இவங்கதான் சுதந்திரதேவி
இது என்னண்ணே சுதந்திரம்?ஒரே இடத்திலே வருஷக்கண்ணக்கா கையைத்தூக்கி ,டார்ச்சைப் பிடிச்சுட்டு கை வலிக்காது...ஒரு நாள் கூட கை மாத்த முடியாம, கால்வலி போக உக்கார முடியாம ...இது எப்படிண்ணே சுதந்திரமாகும்...போங்கண்ணே உஙளுக்கு ஒண்ணுமே தெரியாது...
யாராவது அவனைப்பிடிச்சு என் பேரைச் சொல்லி நாலு சாத்து சாத்துங்களேன்.
[புகைப்படங்கள் நெட் உபயம்]

செந்தில் மும்பை போனால்

2012-01-05T18:01:00.001+05:30

டேய் !நான் உன்னை என்ன வாங்கிட்டு வரச்சொன்னேன் .....
ஷூ வாங்கிட்டு வரச்சொன்னிங்க....
எத்தனை ஷூ வாங்கிட்டு வரச்சொன்னேன்
ரெண்டு ஷூ
ரெண்டு வாங்கிட்டு வரச்சொன்னேனா ,ஒண்ணு இங்கே இருக்கு ,இன்னொரு ஷூ எங்கே
அதாண்ணே இது........
டேய் ! !!!!!??????????????

சிரிங்களேன்

2012-01-05T16:57:00.000+05:30

ஒரே ஒரு ஜோக் ,கம்முனு கிடங்க

74லில்[வயசு இல்லை வருஷம்]எங்கள் திருமணம் நெல்லையில் நடந்தேறியது
.சென்னையில் ’ஆழ்வார்பேட்டை ஆண்டவா&ஆண்டவி’யாகக், குடித்தனம் தொடங்கினோம்.
.மருமகள் ,’கூறு’ எப்படி என்று பார்த்து விட்டு,
”பிழைத்துப் போகட்டும் ”,என்று, 45விழுக்காடு மார்க் போட்டு விட்டு ஊர் திரும்பினார்கள் என் மாமனார்,மாமியார்.
பாரீஸ் கார்னரில் ஆஃபீஸ்.
தினமும் ஆட்டோவில் வந்து வந்து இறங்குவதைப் பார்த்து,.

பக்கத்து வீட்டு மாமி ,கேட்பார்

தினமும்ஆட்டோவா.!!???..எவ்வளவு ஆகும்?
8 ரூபாய் மாமி
அம்மாடி..!!!!!
இப்பொழுது 60 ரூபாய்க்கு வாங்க யோசிக்க வைக்கும், நெஸ்கஃபே அன்று நான் வாங்கி மகிழ்ந்தது வெறும் 3.50க்கு[அப்படியே கணக்குப் போட்டுப் பார்த்துக்கொள்ளுங்கள்.[அந்தக் கால சினிமாக்களில் நான் ரசிக்கும் சில வசனங்கள்...
.”நல்ல சம்பளமா ?எவ்வளவுடா?
ரூபாய் 200ப்பா”.
ரெண்டு ப்ளேட் இட்லி,நாலு செட் தோசை,பொங்கல்,வடை ...இந்தாங்க
பில்..6ரூபாய் 7அணா]

என்னை சந்தோஷமாக வெளியே ஈட் அவுட் என்று அழைத்துச் சென்றதெல்லாம் ,என் சமையலிலிருந்து தப்பிக்கத்தான் என்பது கொஞ்சம் லேட்டாகப் புரிந்தது.

ஒரு நாள் ,பஸ் பிரயாணம் ,கூட்டமில்லாத பஸ்ஸில் ஏறி அமர்ந்தோம்.
கொஞ்ச தூரம் போனதும் ,இவர் ,பொய் சொல்லப் போறேன் பொய் சொல்லப்போறேன் என்று பாடாத குறையாக,“இந்த பஸ்ஸில் வர்ரவங்களிலேயே நீதான் ரொம்ப அழகா இருக்கே!!!!”என்றார்.
பூரித்துப் போனேன் ...மெதுவாக டாஷ் போர்டிலிருந்து ,பின் சீட் வரை கழுத்தை இயல்பாக வளைத்துத் திரும்பிப் பார்த்தால்........

*******

#######

???????

மேலே மூணு லைனும் ,எள்ளும் கொள்ளும் வெடிப்பதை குறிக்கும் சிம்பல்கள்.
அவை வெடித்துச் சிதறும் முன் ,வாசித்து விடுங்கள்.

பஸ்ஸில் என் சக லேடீஸ் பிரயாணிகள் அனைவரும்
55ல் ஒருஇளநரை ,
63ல் ஒரு பாதி நரை,
69ல் ஒரு முழு நரை,
என்று ..அமர்ந்திருந்தனர்.

அவ்வளவுதான் அதுதான் அவருடைய முதல் ஜோக் .கமா போடாமல் முற்றுப் புள்ளிவைக்கப் பட்ட ஜோக்

இப்பொழுது சொல்லுங்கள் ,இவருக்கு நான் ஜோக் தடா போட்டது சரிதானே?

புத்தகவெளியீடு

2012-01-04T23:58:00.003+05:30

பத்திரிகையில், பதிவுலகில் வெளியான ,கட்டுரைகள் யாவும் ,ஒன்றாய் தொகுத்து மணிமேகலைப் பிரசுரம் மூலமாக வெளியான , “அன்புதான் அனைத்திற்கும் ஆதாரம் “என்ற என் முதல் நூல்..
தமிழ்கடல் திரு நெல்லைக்கண்ணன் அவர்களின் அணிந்துரையுடன் திரு ரவி தமிழ்வாணன் அவர்களின் ஆதரவோடு வெளியாகியிருக்கிறது.என்பதை பதிவுலக சகோதர சகோதரிகளோடு சந்தோஷமாகப் பகிர்ந்து கொள்கிறேன்
புத்தகம் கிடக்கும் இடம்
.மணிமேகலைப் பிரசுரம்.
தொலை பேசி எண்:

044 24342926

044 24346082 .

Post Box No 1447, 7, தணிகாசலம் சாலை, தி.நகர் Chennai, Tamil Nadu 600017

தற்பொழுது துவங்கப்பட்டிருக்கும் புத்தகக்கண்காட்சியில் மணிமேகலை பதிப்பகத்தாரின் ஸ்டாலில் கிடைக்கும்

நான் சந்தித்த கதாநாயகி

2011-12-04T11:10:00.013+05:30

பத்தாம் வகுப்பில் நடந்த விஷயம் இது இன்று நினைத்தாலும் வேடிக்கையாக இருக்கும்.
மதிய உணவு இடைவேளையில்’ மரத்தடி கூட்டம்’ நடக்கும் .அன்று எடுத்துக்கொண்ட பொருள்,கதாநாயக நடிகைகளைக் பார்த்தவர்கள் யார் யார் என்ற் அதி முக்கியமான டாபிக்.ஒவ்வொருவராக அலச ஆரம்பித்தார்கள்.

.நான் பத்மினியை ரயில்வே ஸ்டேஷனில் பார்த்தேண்டி,
மெட்ராஸ் போயிருக்கும் போது சாவித்திரியை கோடம்பாக்கம் ஸ்டூடியோ பக்கம் பார்த்தேன்,
என்று அங்கே பார்த்தேன் இங்கே பார்த்தேன் என்று எல்லோரும் சொல்லிக் கொண்டிருந்த சமயம் நான் என் குரலைக் கனைத்துக்கொண்டு,
என் 8 வயதில் நான் ஒரு பிரபல கதாநாயகியின் மடியில் உட்கார்ந்தேன் ,அவர் எனக்கு வாழைப்பழம் உரித்துக்கொடுத்தார்...என்று வெறுப்பேற்றிய பின் விவரமாக மேலும் புகையவிட்டேன்.நிறைய பேரை காதிலே புகை...சிலபேர் அவ்வ்வ்வ்வ்வ், என்று அலையவிட்டேன்.
படம் 100 நாள் ஓடியதற்காக பதக்கமும் பாராட்டும் பெற அந்த நடிகை நெல்லை வந்திருந்தார்.அவர் தங்கியிருந்த விடுதிக்கு அண்ணன் அழைத்துப்போனார்.
எனக்கோ ஒரே கூச்சம் வெட்கம் ,நடிகை என்னை அருகே அழைத்தார்,
உன் பேரு என்னம்மா?
எஸ் கோமதி [அவருக்கு ’எஸ்.’ரொம்ப முக்கியம்]
என்ன க்ளாஸ் படிக்கிறே?
4 சி[சியும் முக்கியம்]
இந்தா பழம் சாப்பிடுறியா என்று கேட்டு உரித்து கொடுத்த பின், என்னை மடியில் உட்கார வைத்துக்கொண்டார்....[யாருமில்லாத காரணத்தால் என் மேல் அவருக்கு அத்தனை பிரியம் .பொழுதும் போகணுமே]
இங்கே என் தோழிகள் முகம் கொஞ்சம் பொறாமை,கொஞ்சம் ஏக்கம் என்ற கலவையில் கருத்தும் சிறுத்தும் போக ...
..யாருடி அந்த நடிகை ...சொல்லு சொல்லு என்று நச்சரிக்கவே
யாரென்று சொன்னேன்.
உங்களுக்கும் தெரிய வேண்டாமா?
இதோ இங்கே க்ளிக் பண்ணுங்கள்

அண்ணே எனக்கொரு சந்தேகண்ணே-3

2011-11-03T22:34:00.002+05:30

அண்ணே அண்ணே ஓடாதீங்க .....என்னோட சந்தேகத்தைத் தீத்துவச்சுட்டு ஓடுங்கண்ணே....

எனக்கும் உங்களை விட்டா யார்ண்ணே இருக்காங்க....

டேய் விடுடா எனக்குத் தாங்க முடியலைடா.......

ஈசியான சந்தேகம்தாண்ணே.....

ஈசியான சந்தேகமோ தூசியான சந்தேகமோ என்னாலே முடியாதுடா ....

அப்ப எதுக்கெண்ணே ஆல் இன் ஆல் அழகுராஜான்னு பேரு வச்சுட்டு ஊரை ஏமாத்திட்டு இருக்கீங்க...ஆமா அது என்னண்ணே அழகுராஜா?அது நீங்க படிச்சு வாங்கின பட்டமாண்ணே?

டேய் டேய் கடாய் மண்டையா...நான்ஸ்டிக் தலையா...

உங்கிட்டேயிருந்து தப்பிக்க முடியாதுடோய்.....சரி கேட்டுத்தொலை...

அண்ணே ,கவரிமான் கேட்டிருக்கேன் புள்ளிமான் பார்த்திருக்கேன் அது என்னண்ணே குஞ்சிமான்? அது என்ன ஜாதி மான்...இப்ப இருக்கா இல்லையா...நானும் எல்லா சூவிலும் தேடிப்பார்த்துட்டேன்...

என்னது குஞ்சிமானா?அப்படி ஒரு மானே கிடையாதுடா...நீ எங்கே படிச்சே .எதிலே புடிசே?..
ஒரு 45 வருஷமா தேடிட்டு இருக்கேன் கண்ணிலே மாட்ட மாட்டேங்றதே...நீங்க கண்டா பாத்தீங்களாண்ணே....னேஷனல் ஜ்யாகிரஃபி கூட காட்டலேண்ணே...டிஸ்கவரி சேனலேயும் வரலைண்ணே ...என்ன டிஸ்கவரியோ ஜியாகிரஃபியோ....

டேய் துருவின பரட்டைத்தலையா...அப்படி ஒரு மானை அந்தக் கடவுள் கூட பாத்திருக்க மாட்டர்டா...படுத்தாதேடா...

.என் சந்தேகத்தை நீங்க தீத்து வைக்கலேன்னா நானும் கவரிமான் மாதிரி சாஞ்டுவேன்.....
நானும் என் சின்ன வயசிலேயிருந்து தேடித் தேடி அலுத்துப்போய்டேன்ணே
...
vவெளக்கமா சொல்லித்தொலையேன்டா ....எதைப்பாத்து உனக்கு இப்படி ஒரு சந்தேகம் வந்துச்சு ?

குஞ்சிமான் சட்டையெல்லாம் போட்டுக்குமாண்ணே...டான்ஸ் கூட ஆடுமாண்ணே?..மான் எப்படின்ணே மனுஷங்க மாதிரி சட்டை போட்டு டான்ஸ் ஆடி ...

டேய் படுத்தாதே...

இதிலே கலையெல்லாம் வேற ரசிக்குமாம் ...எப்படி நம்ம காதிலே பூ சுத்றாங்க பாருங்கண்ணே........

டே டே டேய்....எங்கேடா உனக்கு இப்படி ஒரு சந்தேகம் வந்துச்சு...அதுவும் 45 வருஷமா...தீரலேன்னா விட்டுத்தொலைக்க வேண்டியதுதானே ஏண்டா என் உயிரை எடுக்கே?
இத்தனை வருஷம் கழிச்சு இப்போ எதுக்குடா கேட்டே....

அண்ணே இந்த பாட்டைக் கேளுங்கண்ணே இந்த ...ஸ்விட்ச்சை அழுத்துங்க ண்ணே..

கவுண்ட்ஸ் பாட்டைக்கேட்டதும் வழக்கம் போல் அவரைத் துரத்த இவர் ஓட ,.துரத்த ஓட துரத்த ஓட ..இருவரும் சென்னையின் ஓரத்துக்கே வந்து விழுகின்றனர்

[ இந்த பாடலை நான் ,என் சிறுமி பிராயத்தில் பல வருடங்களாக ,இப்படித்தான் முணு முணுத்துக்கொண்டிருந்தேன்]

சித்திரமும் கை பழக்கம்

2011-10-27T15:59:00.005+05:30

யார்யா அது ?நம்ம முன்னாள் கவுன்சிலர் கைலே, கோன் ஐஸ் கொடுத்தது?

ஏன் அவருக்கு ஆகாதா?

அதைப்பத்தி நமக்கென்ன...பாருய்யா அவரை,கோன் ஐசை ,மைக்குனு நினைச்சுட்டு ஓட்டு கேட்டு பிரச்சாரம் பண்ண ஆரம்பிச்சுட்டார்.

----------------
இந்த ஜோக் அமைதிச்சாரல் அனுப்பியது.

முதலாமவர்: வெய்யில் காலத்துல கட்சிக் கூட்டம் வெச்சது தப்பாப் போச்சு.

மற்றவர்: ஏன்?

முதலாமவர்: தலைவர் மைக்கை கோன் ஐஸ்ன்னு நினைச்சு சாப்பிட்டுக்கிட்டிருக்கார்.

----------------------------------------------------

ரெட்டைவாலா சரவெடி

2011-10-24T20:58:00.005+05:30

மந்திரி செல்லதுரை தன் செல்ல மகளின் தலைத் தீபாவளியைக் கோலாகலமாகக் கொண்டாடிக்கொண்டிருந்தார்.கடந்த ஆண்டு தீபாவளி கட்நது, வந்த , அடுத்து முகூர்த்தத்தில் திருமணம் நடந்ததால், தன் மகளின் தலைதீபாவளியை ,செல்லபாண்டியன் ஒரு வருடமாகக் காத்திருந்து கொண்டாடுகிறார்.
மேலும் மகள் மூன்று மாத கர்ப்பிணி வேறு,பிறகு கோலாகலத்துக்குக் கேட்பானேன்.

மருமகன் ஒரு பூச்சி ,[அதாவது அப்பாவி]மாமனாருடைய உபசாரங்களையும் விருந்தோம்பலிலும் சிக்கித் தவித்து திணறிக்கொண்டிருந்தார்.
ஒரு வண்டி பட்சணம் ,உண்டியலில் காசும் பணமும் திணிப்பது போல் திணிக்கப்பட்டு,அவருக்கு ஒவ்வாத பட்டாசுகள் ஆயிரம்வாலா சரவெடி எல்லாம் கொழுத்த வைக்கப்பட்டு அல்லோகலப் பட்டுப்போனார்.
ஒரு வழியாக அப்படி இப்படியென்று இரவு மணி பத்தாகியது.
அப்பாடா தப்பித்தோம் என்று நழுவப்பார்த்த மருமகனை ,”மாப்பிள்ளை எங்கே போறீங்க ,இனிமேதான் இருக்கு வேடிக்கை,ராக்கெட்,பாரசூட் அது இதுன்னு ஏகப்பட்ட ஐட்டம் எல்லாம் இருக்கே...அதையெல்லாம் யார் வெடிக்றது....”
“மாமா ,மணி பத்தாச்சு இதுக்கு மேலே வெடிச்சத்தம் கூடாதுன்னு சொல்லிட்டு நீங்களே ...”
“நீங்க வேற ,அதெல்லாம் நமக்கில்லை....மாப்பிள்ளை...தலை தீபாவளியும் அதுவுமா ...கப் சிப்னு யாராவது அடங்கிக் கிடப்பாங்களா??நீங்க வாங்க எவன் கேக்றான்னு நானும் பாக்றேன்....”
மானசீகமாகத் தலையில் அடித்துக் கொண்டே, பேருக்கு ரெண்டு வெடியை வெடித்துவிட்டு ஒரே ஓட்டமாகப் படுக்கச் சென்று விட்டான்
.மாமனாரும் திருப்தியுடன் உறங்கச் சென்றார்.
மறுவாரம் மகளும் மருமகனும் ஊர் திரும்பினர்.

காலம் ஒரே எட்டில் அடுத்த தீபாவளியைக் கொண்டு வந்து நிறுத்தியது.
தாத்தா செல்லதுரை தன் மடியில் பேரனை வைத்துக் கொண்டு கொஞ்சிக்கொண்டிருந்தார்.
ஏசி அறையில் ஒலிபுகாத அறையில் பேரனைப் பத்திரமாக உறங்க வைத்துக் கொண்டிருந்தார்.பகல் நேரமெல்லாம் சமாளித்தவர் ,மாலையில் பட்டாசுகளின் ஓசை வீட்டுக்குள் தங்குதடையின்றி நுழையத் துவங்கியபோது திணறிப்போனார்.
.இந்த கொண்டாட்டம் இரவு பத்து மணியைத் தாண்டியும் ஓடிக்கொண்டிருந்ததைக்கண்ட செல்லதுரை,”யார்ப்பா அது வாட்ச்மேன்...மணி பத்தாச்சு வெடி போடக்கூடாதுன்னு ரூல் இருக்றது தெரியாம யார்டா அங்கே ...”

ஐயா ரெண்டாவது வீட்டிலே நம்ம கண்ணன் ஐயா வீட்டிலே பொண்ணுக்குத் தலை தீபாவளியாம்....”

”...அதுக்கு ...இப்படித்தான் விடிய விடிய வெடிப்பாங்களா..?.உடனே நிறுத்தச் சொல்லு...இல்லேன்னா என்ன செய்வேன்னு தெரியாது...குழந்தை பதறி பதறி முழிக்குது ....தூக்கம் இல்லாம ஒரே அழுகை.....10 மணிக்கு மேலே வெடி கூடாதுன்னு போய் சொல்லு போ...”

”தௌசண்ட்வாலாவை விட இந்த ’ரெட்டை வாலா நாக்கு ’ரொம்ப பயங்கரமா வெடிக்குதே...என்றவாறு ,மாப்பிள்ளை ரகு தன் மனைவியைச் சீண்டினான்.அவளும் வேறுவழியில்லாமல் ஒப்புக்கொண்டு குழ்ந்தையோடு நழுவினாள்

[படங்கள் உபயம் பட்டாசு.காம்]

சிரிப் சிரப்

2011-10-21T20:38:00.000+05:30

வேர் தேர் இஸ் அ, வில் தேர் இஸ் அ.....வாண்டு இந்த ஆங்கில பழமொழியை பூர்த்தி செய்
வேர் தேர் இஸ் அ, வில் ,தேர் இஸ் அதேர் இஸ் அன் அம்பு சார்...

வில் பவர் யாருக்கு அதிகம் இருக்கிறது உதாரணம் கூறு
ராமர்,கர்ணன் அர்ஜுனன் மூன்று பேருக்குமே வில் பவர் அதிகம் சார்

வாண்டு!வாட்ஸ் யுவர் ஃபாதர் டூயிங் ஃபார் லிவிங் ?
பிரீதிங் ,சார்.

இந்த வீட்டுக்குள்ளே நுழையும் போதே நெகடிவ் அலை நிறைய வீசுதே
வீசாதா பின்னே.இவர் அந்தக்கால ஃபோட்டொகிராஃபர்..நிறைய நெகடிவ் சேமிச்சு வச்சிருக்கிறாரே.

என்ன இது உன் வீட்டுக்காரர் கிச்சனுக்குள்ளே இருந்துட்டு விசில் அடிச்சுட்டு இருக்கார்?!!!
குக்கர் வெய்ட் மிஸ்ஸிங் ...அதான் ரெண்டு நிமிஷத்துக்கு ஒரு விசில் அடிக்கச் சொல்லி உட்கார வச்சுருக்கென்..

இதுக்கென்ன குறைச்சல்?

2011-10-20T11:19:00.003+05:30

மன்னா! எதற்காக இப்படி ஆராய்ச்சிமணி பக்கம் காத்திருக்கிறீர்கள்...?
ராணியார்,தேரோட்டிச் சென்றிருக்கிறார் என்றீரே.. ஏதோஒரு .பசுமாடு ,தன் கன்றை இழந்து வந்து மணி அடிக்காதா ,அதற்கு நீதி தரமாட்டோமா என்று ஆவலுடன் காத்திருக்கிறேன்.

அரண்மனைக்குத் தேவையான பின்கள் வாங்க வேண்டுமென்றால் ராணியார்,அரசரைத்தான்அனுப்பிவைப்பார்...

ஏன் அப்படி ?

அவர்தானே' பின்வாங்றதில்' கில்லாடி.......

ஒவ்வொருமுறை போருக்குப் போகும் போதும் அரசர் ஏன் ராணியையும் அழைத்துச் செல்கிறார்

போரில் வெற்றி பெற்றால் ,’60 கேஜி அரசி ’இலவசம் என்று சொல்லி தப்பிக்கலாமா என்று பார்க்கத்தான்

அரசர் ஏன் நடுங்கிக் கொண்டே சாப்பாட்டு மணையில் அமர்கிறார்

இன்று ,சேனை’க்கிழங்கு பொரியல்

அரண்மனைத்தோட்டத்தில் அரசர் ஏன் இப்படி ரிவர்சில் ஓடிப்பழகிக்கொண்டிருக்கிறார்?

போரிலிருந்து ஓடிவரும்போது யாரும் புறமுதுகிட்டு ஓடி வந்தார் என்று சொல்ல மாட்டார்கள் பாருங்கள்.

மன்னர் ஏன் அரண்டு போயிருக்கிறார்?

நேற்று ராஜகுரு கோபத்தில் ,
"இப்படியே நீ புறமுதுகிட்டு ஓடி வந்தாயானால் ,அடுத்த ஜன்மத்தில் நீ ஜெயா டிவியில் ஜாக்பாட் நிகழ்ச்சி நடத்துனராக அமையக் கடவாய்", என்று சபித்து விட்டார்.

[இவை அனைத்தும், விகடன்,தினமலர் குமுதம் என்று அனுப்பிவைக்கப் பட்ட ஜோக்ஸ்.பலமாதங்கள் காத்திருப்பதைவிட பதிவர்களை சிரிக்க வைக்கலாமே என்று பதிவிட்டேன்]

அண்ணே எனக்கொரு சந்தேகண்ணே-2

2011-10-17T09:11:00.003+05:30

அண்ணே நான் வந்துட்டேன் ....எப்படிண்ணே இருக்கீங்க ...?

நீ வந்தேன்னா நான் எப்படிடா இருப்பேன்...

போங்கண்ணே.....உங்களுக்கு எம் மேலே ரொம்ப பாசம் ...நீங்களே கண்ணப் போடக்கூடாதுன்னு அப்படி சொல்றீங்க.....அண்ணே எனக்கொரு சந்தேகம்ணே

வேணாண்டா ...என்னால தாங்க முடியாதுடா....

ஒர்ரே ஒர்ரு சந்தேகம் ...பதில் கிடைக்கலேன்னா என் தல வெடிச்சுடும்ணே..

சரி சொல்லித் தலைடா சப்ப மண்டையா

அண்ணே !இந்த கோணமானி கோணமானின்னு சொல்றாங்களே அப்படின்னா என்னண்ணே...?

அப்படி அறிவுப்பூர்வமா கேளுடா காலி கபாலா...

ஐய்...இந்த பேரு சூப்பரா இருக்கே..சரி சொல்லுங்க ...கோணமானின்னா என்ன ?

டேய்!கோணமானின்னா ....???

கோணத்தை அளக்கிற கருவிடா...எத்தனை டிகிரி கோணம்னு கண்டுபிடிக்க கோணமானிஎடுப்பாங்க...

அப்படின்னா என் மண்டை கோணமண்டைன்னு சொல்லுவீங்களே அதைக்கூட அளக்கலாமாண்ணே?

அதை மட்டும் அளக்க கருவியே கிடையாதுடா பலகோணமண்டையா!

சரி, அது போகட்டும் .உஷ்ணமானின்னா?

உஷ்ணத்தைக்கண்டு பிடிக்றது உஷ்ணமானி...

ஜுர மானி?

டேய் இது கூடவா தெரியலை .உனக்கு ..ஜுரம் வந்தா எத்தனை டிகிரின்னு சொல்லும்....

அழுத்தமானி

அழுத்தம் எவ்வளவுன்னு பார்க்க அழுத்தமானி....

பால்மானி

பால்லே தண்ணி எவ்வளவு கலந்திருக்குன்னு கண்டுபிடிக்க பால்மானி..

அது எப்படிண்ணே?அப்போ அது தண்ணிமானின்னுதானே சொல்லணும்

டேய் டேய் [பல்லைக்கடிக்கிறார்] ஆளை விடுடா ...

இன்னும் ஒண்ணே ஒண்ணு பாக்கி இருக்குண்ணே....

எதுக்குடா உயிரை வாங்றே...என்ன மானியோ ,அதைக்கண்டு பிடிக்க ,அந்தந்த மானி உபயோகமாகுது........வெத்து மண்டையா !இதை ஒரு எல்கேஜி புள்ள கூடச் சொல்லுமே....ஏண்டா உன் மண்டையிலே ஏறமாட்டேங்குது......
.
அப்படியா சங்கதி.அப்படின்னா ...’பே’ன்னா என்னண்ணே...

என்னடா சொல்றே?!!!!

பே’ன்னா என்ன?

என்னடா குழப்ற

பேமானி வச்சு எதை அளப்பாங்க ?நீங்க சொல்ற மாதிரி அந்தந்த மானி அதை அதை அளக்கும்னா...’பே’ன்னா என்னா....பேமானின்னா என்னா சொல்லுங்கண்ணே நம்ம ரெண்டுபேருக்குள்ள நீங்கதானே எஸ்.எஸ்.எல்.சி ஃபெயில் ...உங்களுக்குத் தெரியாதா சொல்லுங்கண்ணே...பேமானிய வச்சு எதை அளக்கணும்....

அண்ணே அண்ணே ....ஓடாதீங்கண்ணே..பதிலைச்.சொல்லிட்டுப் போங்கண்ணே......

தம்பி நாஞ்சில் மனோ எங்கேப்பா இருக்கே ...நீ மலையைப்பார்த்து ஓடினா ,என்னையும் கூட்டிட்டுப் போப்பா ,ரெண்டுபேருமா சேந்து குதிப்போம்...இந்த பேமானி தொல்ல தாங்கலடா சாமி அவ்வ்வ்வ்வ்வ்வ்

என்று கதறிக்கொண்டு நாஞ்சில் மனோவைத்தேடி ஓடுகிறார்.

அண்ணே எனக்கொரு சந்தேகண்ணே....

2011-09-25T19:38:00.006+05:30

அண்ணே !

என்னடா குருவிக்கூட்டு மண்டையா

ஒரே ஒரு பறவை இனத்திலே மட்டும் ஆண் பறவையே கிடையாதாம் அது என்னன்னு சொல்லுங்க....பாஸ் கீஸ் ந்னு சொல்லி தப்பிக்கல்லாம் கூடாது...

”அது எப்படிடா ஆண் பறவை இல்லாம பெண்பறவை இருக்க முடியும்? இயற்கைக்கு புறம்பா இருக்கே..!!!!!!!.

கடவுள் கூட தப்பு செஞ்சுட்டார் பாத்தீங்களா....சொல்லுங்கண்ணே அது என்ன அதிசயப்பறவை...

தெரியலையேடா...சரிடா நீயே சொல்லு....

பெங்குவின் பெங்குவின்னு மட்டும் சொல்றாங்களே ஆங்குவின் ஆங்குவின்னு ஏண்ணே ஒரு பறவையைக்கூடக் காட்ட மாட்டேங்றாங்க...?

டேய் வேணாம்...எனக்குத் தாங்காதுடா

ஆங்குவின் இல்லாம பெங்குவின் . எப்படிண்ணே முட்டை போடும் அடை காக்கும் குஞ்சு பொரிக்கும் ....சொல்லுங்கண்ணே அண்ணே எங்கேண்ணே போறீங்க...ஆங்குவின் இல்லாம எப்படிண்ணே....பதில் சொல்லாம போனா என் தலையே வெடிச்சுடும்ணே

அதுக்குத்தாண்டா பதில் சொல்லாம போறேன் ,
டப்பா தலையா !
சட்டி மண்டையா...!!
டப்பாஸ் தலையா !!!
தீவெட்டித்தலையா...!!!!
.நல்லா வெடிக்கட்டும்
தீபாவளி வரைக்கும் வெடிச்சுட்டே இருக்கட்டும்....
...................

எனக்கு ஒரு ஓ போடுங்க

2011-09-19T18:44:00.003+05:30

சிடி சென்ட்டர் மால் பக்கம் எப்பவோ ,ஒரு விசிட் அடித்தபோது நோகியா சிமிட்டியது .பிகாசா ஆல்பத்தைப் புரட்டியபோது இன்று கிட்டியது

லேட்டா வந்தாலும் லேட்டஸ்ட்டா வந்துட்டேன்.

எத்தனை எழுத்து பார்த்தீர்களா?

A, I ,X ,Y, Z, t, O , K ,l ,L, T, V ,

மற்றொரு வலை மெட்ரோ ஸ்டேஷன்

சாலையில் கண்ட தமாஷ்

2011-09-18T10:39:00.002+05:30

என்னப்பா ஆட்டோ..அநியாயம் பண்றே...
“இன்னா?
கைலாசபுரம் போகணும்னு சொல்லி ஏறினா நீ இங்கே கொண்டு வந்து நிறுத்தியிருக்கே?
நீ சொன்ன கைலாயம் இதுதான்..இந்த ஆடிமாசம் முழுக்க இதுதான் அல்லாருக்கும் கைலாசபுரம்....
கன்னத்திலே போட்டுட்டு போவியா....
[பாண்டிபஜார் கைலாயம்]
--------------------------------------------------
கிலோமீட்டர் கணக்கிட்டுக் காட்டும் கல்லுக்கும் களைப்பு வராதா?

நட்டமாய் நின்னா
நீ ஒரு
மைல் கல்லப்பா...
அப்படியே சாஞ்சா
நீ ஒரு
பார்க் பெஞ்சப்பா...[ரஜினி பார்த்துட்டு பாடிட்டே போனார்]

நோகியா நோக்கினதை பிடித்துப் போட்டேன்

தினமணிகதிர் வாங்கீட்டீங்களா?

2011-09-03T22:06:00.000+05:30

சூப்பர் கடி பாருங்களேன் .
கடைசி குட்டி கதை என்துங்க

இங்கே க்ளிக் பண்ணவும்

இடுக்கண் வருங்கால் நகுக ஹ ஹ

2011-08-20T23:07:00.003+05:30

என்ன ஆச்சு ?
ஒரே தலைவலி...
டாக்டரைப் பார்த்தியா ?
பார்த்தேனே,தலைவலிக்கு முதல்ல கண்ணை டெஸ்ட் பண்ணனும்னு சொன்னாங்க ..
கண் டாக்டர்ன்னா நம்ம கண்ணப்பன்தான் பெஸ்ட்,அவரைப் போய் பாரேன்..அல்லது EYEயப்பன் கூட நல்ல டாக்டர்தான்..
இல்லை ,ஏற்கனவே நான் ,எங்க காலனி பக்கதிலே ,EYEயர் இருக்கார் அவரைப் போய் பார்த்தேன்..
என்ன சொன்னார் கண்ணிலெல்லாம் ஒரு ப்ராப்ளாமும் இல்லை சைனஸ் இருக்கலாம் எதுக்கும் ஈ.என்.டி .யைப் பாருங்களேன்னு சொன்னார்..
ஈஎன் டி ன்னதும் நம்ம தொண்டமான் ஞாபகத்துக்கு வரார் அவர்தான் சரியான ஆள்...அல்லது டாகடர் மூக்கன் ..அவரும் ஓகே..
நான் நம்ம சகலரோட தங்கச்சி காதம்பரியைப் பார்த்தேன்...
காது மூக்கு தொண்டை எல்லாமே நார்மல்...எதுக்கும் பல் டாக்டரைப் பார்த்தா நல்லது...எல்லா பிராப்ளத்துக்கும் பல்லும் ஒரு காரணமாம்...
யாரைப் பார்த்தே...
வேற யாரு நம்ம பல்லவந்தான்....கொஞ்சம் க்ளீனிங் பண்ணினார் ஒரு கேவிட்டி அடைச்சார் ....மத்தபடி பிரச்சனை இல்லை
எல்லாமே நார்மல்ன்னா தலைவலிக்கு என்னதான் காரணமாம்.
.வயசாச்சா ஹார்ட் செக் பண்ணிடலாம்னு கார்டியாலஜிஸ்டைப் பார்த்தேன்
யாரு நம்ம இருதயராஜ்தானே ?என்ன சொன்னார்?
அடைப்பு கிடைப்பு இருக்குன்னு சொல்வாரோன்னு பயந்தேன் அதெல்லாம் ஒண்ணுமில்லை ..துடிப்புதான் கொஞ்சம் அதிகமா இருக்கு ..எதுக்கும் பல்மனாலஜிஸ்ட்டைப் பாருங்கன்னார்...
அதான் பல் டாக்டரைப் பார்த்தாச்சே..அவர்கிட்டே சொன்னியா?
நீ வேற ...பல்மனாலஜிஸ்ட்ன்னா நுரையீரல் டாக்டர் ...
என்னதான் பேர் வைக்கிறாங்களோ ...யாருக்கு புரியுது...கார்டியாலஜிஸ்ட்ன்னா கார் ரிபேர் பண்ற மெக்கானிக் மாதிரி நினைச்சேன்...சரி விடு பார்த்தியா யாரு டாக்டர்?
LUNGகேஸ்வரன்தான் ரொம்ப ஃபேமஸ் ...பார்த்தார் எண்டோஸ்கோப்,பிராங்கோஸ்கோப்.சி டி ஸ்கேன்,ஏழெட்டு எக்ஸ்ரே ,நாலஞ்சு பிளட் டெஸ்ட்ன்னு பார்த்துட்டு மாத்திரை எழுதிக் கொடுத்தார்
இனிமேல் கடவுள் மேலே பாரத்தைப் போட்டுட்டு மாத்திரைகளை முழுங்கிட்டு இருக்க வேண்டியதுதான்..
என்னவோ போ...எப்படியோ குணமானா சரி...வரட்டா.எல்லாம் நல்லா குணமாகும்
[சகாதேவன் உபயம்]
எல்லாத்துக்கும் மேலே நம்ம வைத்தீஸ்வரர் இருக்கார் .அவர்தான் நல்ல டாக்டர்,அவர் பார்த்துப்பார் அவர் கையிலே நம்ம டாக்டர்ஸ் எல்லாருமே டூல்ஸ்தான் .

ஒரு முத்து ,இரு முத்து ,மும்முத்து.

2011-08-17T08:41:00.006+05:30

1) விரும்பும் மூன்று விஷயங்கள்

1.காபியுடன் பேப்பர்
2.பேப்பருடன் சுடோகு
3.சுடோகுவுடன் காபி
-----------------------------------------------------
2) விரும்பாத மூன்று விஷயங்கள்?

1.பெப்சோடெண்ட் ஷாருக்கான் விளம்பரம்
2.அடிபட்ட புலியும் ,விடுபட்ட புலியும் ,சண்டையிடுவது போல் நடக்கும் அரசியல்
3.தற்பொழுது காய்கறி கடைகளில் நிறுவையை அலட்சியமாய் ஒரே தட்டில் பொத்து பொத்தென்று போட்டு தப்புத் தப்பாய் எடை போடுவது
--------------------------------------
3) பயப்படும் மூன்று விஷயங்கள்?

1.நெடுந்தூர பேருந்து பயணம்
2.ராட்சச ராட்டினம்
3. வீட்டில் மாட்டியிருக்கும் மூங்கில் நாற்காலி ஊஞ்சல். [மூன்றுக்கும் பொதுவான காரணம் தலைவலி,தலை சுற்றல் ஏற்படுத்தும் என்பதுதான்]
--------------------------
4) புரியாத மூன்று விஷயங்கள்?

1..ரூபிக்யூப் கண்டுபிடிப்பு.[எப்படி எப்படி என்று புரியாமல் வியந்ததுண்டு
30 ஆண்டுகளுக்கு முன் இந்த புதிரை ,புத்தகம் பார்த்து படித்து ,3 நிமிடங்களில் போட்டிருக்கிறேன் .இப்பொழுது எடுத்தால் ஒரே திரு திருதான்....திருப்பவே யோசிக்கிறேன்]

2.நாம் எப்படித்தான் ஒழுங்காகக் கையாண்டாலும் இந்த டெலிஃபோன் ஒயர் இஸ்திரி பெட்டியின் ஒயர் எப்படி முறுக்கிக் கொள்கிறது?
3.பாட்டி என்ற பாத்திரத்தை மட்டும் இந்த பெண்கள் அழகாகக் கையாளுவது எப்படி
--------------------------.

5) மேஜையில் உள்ள மூன்று பொருட்கள்?

1.,இன்றைய நாளிதழ்
2 ஒரு பேனா
3 வாட்ச்
---------------------
6) சிரிக்கவைக்கும் மூன்று விசயங்கள் அல்லது மனிதர்கள்?

1.அவர்கள் சொல்வது பொய் என்பது நமக்குத் தெரியும் என்று ,
தெரிந்தும் தைரியமாகப் பொய் சொல்பவர்கள்
2.ஒருவர் கூறிய ஒரே ஒரு சொல், ஒரு பெரிய நாவலாக ,அவர் காதுக்கே திரும்ப வருவது
3.ஆதித்யா சேனல்
-----------------------------
7) தற்போது செய்து கொண்டு இருக்கும் மூன்று காரியங்கள்?

1-சகா இப்படி மாட்டி விட்டாரே என்ற படி 3 விஷயங்களை அசை போடுகிறேன்
2-.ராகிங் பற்றி கட்டுரை எழுதிக்கொண்டிருக்கிறேன்
3-சைட் பை சைட் சேட்டிங்
---------------------------
8) வாழ் நாள் முடிவதற்குள் செய்ய நினைக்கும் மூன்று காரியங்கள்?

1-நான் செய்ய வேண்டும் என்று இறைவனால் கட்டளையிடப்பட்ட காரியங்களைக் கண்டு பிடிக்க வேண்டும்
2-கண்டு பிடித்ததைச் செய்து முடிக்கவேண்டும்
3-இன்னும் ஏதாவது பாக்கி இருக்கா கடவுளே என்று கேட்க வேண்டும்
------------------------------------
9) செய்து முடிக்கக் கூடிய மூன்று விஷயங்கள்?

1-இன்னும் 2 புத்தகம் வெளியிட வேண்டும்
2-குறளுக்கு பொழிப்புரை எழுத வேண்டும்
3- என் ஜோக்குகளுக்குநானே கார்ட்டூன் வரைய வேண்டும்
---------------------------
10) கேட்க விரும்பாத மூன்று விஷயங்கள்?
1.தகுதி இல்லாதவர்களிடமிருந்து அறிவுரை
2.சாப்பாட்டில் குறைகள் கூறுவது
3.அடுத்தவருடைய வருமானம்,வயது.
--------------------------
11) கற்றுக் கொள்ள விரும்(பிய)பும் மூன்று விஷயங்கள்?

1.டிஃப்ஃபானி கலை
2.மெக்கானிசம்

3.நீச்சல்
----------------------------
12) பிடித்த மூன்று உணவு வகைகள் ?

1.கட்லெட்
2.ஆலு பராட்டா.வித் தயிர்
3.கூட்டாஞ்சோறு
------------------------
13) அடிக்கடி முணுமுணுக்கும் மூன்று பாடல்கள்?

1.கேள்வியின் நாயகனே...
2.வாழ்வே மாயம் இந்த வாழ்வே மாயம் .
3.எத்தனை காலம்தான் ஏமாற்றுவார்..
-----------------------
14) பிடித்த மூன்று படங்கள்?

1.ராஜ் கபூரின் சங்கம்
2-தமிழ்படம்..
3-வள்ளி
-----------------------------
15)இல்லாம வாழமுடியாதுனு சொல்லும்படியான மூணு விஷயம்?)

உணவு உடை இருப்பிடம் எப்பொழுதும் சொல்வது.அது போக...
1-ஓ2
2-ஹெச்2ஓ..
3-பணம்.[ரோட்டி கப்டா மக்கான் வாங்க.]
---------------------------------------
16) இதை எழுத அழைக்கப்போகும் மூன்று நபர்?

என்னை எப்பொழுதும் வம்புக்கு இழுக்கும் இரண்டு தம்பிகள்
1-திவா
2-நாஞ்சில் மனோ
3-வம்பு பண்ணாத சகோதரி சித்ரா

தனிச்செடி தோட்டமாகாது

2011-08-09T19:03:00.001+05:30

தனிச் செடி தோட்டமாகாது

தனி மரம் தோப்பாகாது நல்லாத் தெரியும் ஆனா தனிச்செடி தோட்டமாகாதுன்னு நான் என் சிங்காரத்தோட்டத்தில்தான் கண்டேன்
யார் வீட்டுக்காவது போனால் ஒரு செடியின் கிளையை அவர்கள் அனுமதியுடன் கேட்டு வீட்டில் பதிவிடுவேன்.அப்படித்தான் இந்த செடியையும் ஒரு சின்ன தொட்டியில் வளர்த்தேன் ...ஆனால் அதை வைத்த இடம்தான் தப்பாகிப் போனது.
வாஷ்பேசின் அருகில் அதை மட்டும் தனியாக வைத்திருந்தேன்..விசு சொன்ன மாதிரி ,எழுதினான் எழுதிக்கொண்டிருக்கிறான் எழுதுவான் கதையாக ,வளர்கிறான் வளர்கிறான் என்று ,வாரத்துக்கு அரை மில்லிமீட்டர் கணக்கில் வளர்ந்து கொண்டிருந்தது.என்னடா இந்த செடிக்கு வந்த சோதனை என்று யோசித்தேன்
இடம் மாற்றிப்பார்க்கலாம் என்று வாசலில் மினி தோட்டத்தில் வைத்தேன்

....ஐயோ!!!!...ஆஹா ..!!!!!சொன்னால் நம்ப மாட்டீர்கள் ,வைத்த 6 நாளில் பூக்கத் தொடங்கியது தாவரத்துக்கும் தனிமை பிடிப்பதில்லை,கூட்டம் தேவைப்படுகிறது என்பதை அழகாக ஒவ்வொரு பூவும் மூன்று நாளைக்கொருதரம் சொல்லிச் சொல்லி மலர்கின்றன.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

புத்தக வெளியீடு

2011-08-03T23:19:00.004+05:30

24342926 / 24346082 .
தற்பொழுது துவங்கப்பட்டிருக்கும் புத்தகக்கண்காட்சியில் மணிமேகலை பதிப்பகத்தாரின் ஸ்டாலில் கிடைக்கும்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

சிரிப்புக்கும் அளவுண்டு

2011-07-24T21:50:00.000+05:30

இந்த சிரிப்பு இருக்கிறதே அதற்கும் ஒரு அளவு வரிசை ,தளவரிசை இருக்கிறது என்பதைக் கொஞ்சம் கால தாமதமாகக் கண்டு பிடித்திருக்கிறேன்.யாருக்காவது பிரயோசனப் படலாம் என்று பகிர்ந்து கொள்கிறேன்

முதலில் சிரிப்பின் தளவரிசையைப் பார்க்கலாம்,அதிலேயே அளவும் தெரிந்து விடும்.

சிரித்தமுகம்

முகத்தில் இந்த ஸ்மைலிங் ஸ்ட்ரோக் ,இறைவன் இயற்கையிலேயே ஒருவருக்கு ,வடிவமைத்து அருளியிருப்பார்..
அந்த இயற்கை தந்த அந்த அழகோடு,எப்பொழுதும் மலர்ந்தமுகமாய் ஜொலிப்பார்.

புன்னகை

இது நாமே வரவழைத்து நிறுத்துவது.
சிலரை புன்னகை இன்றி பார்க்கும் பொழுது,அவர் மனதில் ஒழித்து வைத்திருக்கும் அனைத்து குணாதிசயங்களும் பளிச்சென்று கண்கள் காட்டிக் கொடுத்துவிடும்படி வெளிப்படும்.சிலரது அழகே புன்னகையில்தான் பூத்திருக்கும்.
சிலர் ,மனதில் குடிகொண்டிருக்கும் தங்கள் கோபத்தை மறைக்கலாம்,சிலர் அடிமனதில் வாட்டும் ,துயரத்தை மறைக்கலாம்,குழப்பங்களே குடிகொண்டிருக்கும் மன உளைச்சலை அடுத்தவர் அறியாது பதுக்கிவைத்துப் பழகலாம்.பாவம் பரிதாபத்துக்கு உரியவர்கள்,இது போல் புன்னைகைக்குச் சொந்தக்காரர்கள்
சிரிப்பு
சிரிப்பில் பலவகை என்பதை நம் கலைவாணர் அழகாகச் சொல்லியிருக்கிறார்.அதைவிட அழகாகச் சொல்ல யாருக்கு முடியும் .இருந்தாலும் நம் அனுபவமும் ஒரு சில சிரிப்பின் வகைகளைஎடுத்துக்காட்டிச் சொல்லியிருக்கிறதே.
கலகல சிரிப்பு .
இந்த சிரிப்பு உண்மையிலேயே அப்பளுக்கற்ற சிரிப்பு.சலசலவென நதிகள் ஓடுவதைப் போல் ரசிக்கத்தக்க சிரிப்பு,கலப்படமில்லா சிரிப்பு,கள்ளமில்லா சிரிப்பு.நம் உள்ளத்தைக் கொள்ளை கொள்ளூம் சிரிப்பு.
குழந்தைகள் மட்டுமே இநத சிரிப்புக்குச் சொந்தக்காரர்கள்.
கிண்டல் சிரிப்பு.
ஆபத்தான ஆரோக்கியமற்ற அகற்றப்படவேண்டிய சிரிப்பு.அடுத்தவரது இல்லாமையும் இயலாமையும் சிலருக்கு ஹாஸ்யமாகப் படலாம்.அடுத்தவரை வேதனைப் படுத்தும் விவேகமில்லா சிரிப்பு.
வக்கிரமான சிரிப்பு.
அடுத்தவர் தோல்வியில் ,இழப்பில், கஷ்டத்தில், சிலர் இந்த சிரிப்பை உதிர்க்கலாம்.பாவங்களில் வரிசையில் நிறுத்தப்பட வேண்டியது இந்த சிரிப்பு.

குதர்க்கமான சிரிப்பு

ஆரோக்கியமற்ற ,அகற்றப்பட வேண்டிய சிரிப்பு இது.உங்களுக்கும் இந்த சிரிப்பை உதிர்க்கும் ஒருவருக்கும் இடையே உள்ள நட்பின் உறவின் ஆழத்தை அளக்கும் கருவி என்பதை
அவர் வெளிப்படுத்தும் இந்த சிரிப்பை வைத்தே புரிந்து கொள்ளலாம்

நமட்டுச் சிரிப்பு,நக்கல் சிரிப்பு

இந்த வகைச் சிரிப்புகள் கொஞ்சம் வேடிக்கையானவை
தனக்குப் .பிடித்தமில்லாதவர்கள், ரசிக்கும் வகையில் ஏதேனும் சொல்லி சுற்றி இருப்பவர்கள் அனவரும் ரசித்து சிரிக்கும் போது தான் மட்டும் சிரிக்காமல் இருந்தால் சரியில்லை என்ற கோணத்தில் யோசித்து ,இதற்கெல்லாமா சிரிப்பது என்றபடி,சிரித்தும் சிரிக்காமல் காட்டும் சின்ன அசைவு.,இந்த ‘நமட்டும் நக்கலும் ’சேர்ந்த கலவைச் சிரிப்பு.

ஆதாயச் சிரிப்பு

தன் உயர் அதிகாரி ,தனக்கு உதவிசெய்ய இருப்பவர்கள்,போன்ற முக்கியஸ்தர்கள் என்ன சொன்னாலும் அளவுக்கு அதிகமாகவே சிரித்து ,அவர்கள் மனம் கோணாமல் வைத்துக் கொள்ள வேண்டிய கட்டாயத்தில் வந்து விழும் இந்த காரியச் சிரிப்பு.

விரக்தி சிரிப்பு

வாழ்க்கையின் நீரோட்டத்தில் மிதந்துவந்து கடந்து போகும் இறகுகள் சருகுகள் மலர் செண்டுகள் ,வாடிய மலர்கள் என்று அதன் விகிதாசாரத்தில் நாம் அடையும் சோகம் அதிகமானால் முகத்தில் தெரிவது இந்த விரக்தி சிரிப்பு.இயன்ற வரை இதற்கு நாம் இடம் கொடுக்காமல் இருக்க ,பழகிக் கொள்ள வேண்டும்.விரக்தியில் விழுந்தால் மீழ்வது சிரமம்.
அடுத்தது முக்கியமானதும் ஜாக்கிரதையாகக் கேடயம் பிடித்துத் தடுக்க வேண்டிய சிரிப்பு.
இளிச்சவாய்தனம்
ஈனா வானா என்று சுருக்கமாக அழைக்கப்படும் .
இதற்கு விளக்கம் தேவையில்லை .சுருக்கமாகச் சொல்லப் போனால்,எல்லோரையும் சிரிக்க வைப்போம் யாரும் நம்மைப்பார்த்து சிரிக்காமல் பார்த்துக் கொள்வோம். ”எப்படி நடத்தப் பட்டாலும் இவன் சிரித்துக் கொண்டே இருப்பான் ”,
என்ற ரீதியில் யாரும் நம்மை எண்ணி விடாமல் ஏமாற்றி விடாமல் வேடிக்கை என்ற பெயரில்,அதிகப்படியான உரிமை எடுக்க விடாமல்,கவனமாக இருப்போம் .

மேற்கொண்டு சிரிப்பு வகைகள் தோன்றினால் பகிர்ந்து கொள்ளுங்கள்.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

காயமே இது பொய்யடா.ஜூலை மாத பிட் போட்டி

2011-07-16T06:43:00.002+05:30

காயமே இது பொய்யடா வெறும் காற்றடைத்த பையடா

பார்க்கப் போனா இந்த ,
காத்தடைத்த 'பை'தானே எங்களுக்கு சோறு போடுது.
நாங்க,பை மட்டும் வாங்கினா போதும் ,காத்து எங்களுக்கு பீச்சிலே கண்ணுலே படாம கொட்டிக் கிடக்குது .
பச்சை சிகப்பு மஞ்சள்ன்னு , நிறம் பாக்காம,
சின்ன பை பெரிய பைன்னு அளவு பாக்காம ,
உருண்டை முட்டை ன்னு ,வடிவம் பாக்காம ,
எந்தப் பையானாலும் காத்து பேதமில்லாம அடையுது.வந்து போற ,

குழந்தைகள் ,பெரியவர்கள்ன்னு, ,சுட்ட பிறகு, பை அழியுது.
காத்து மட்டும் மறுபடியும் ,காத்தோட கலக்குது.
அதே காத்து ,மறுபடியும் பைக்குள் அடையுது.
அந்த ஆண்டவன் பை வாங்கினான் ,காத்தைக் கலந்தான்,பூமியில் உருட்டி விட்டான்..பாக்கப் போனா,நாமும் இந்த பலூன்தான் .

இங்கே அந்த இறைவன் செய்ற வேலையைத்தான் நானும் செய்கிறேன்.
இதுதான் வாழ்க்கைன்னு அவன் சொன்னதை,
,நான் ,மேடை போடாம மைக் இல்லாம, உங்க எல்லாருக்கும் சொல்லிட்டுதான் இருக்கேன்.

இதுதான் வாழ்க்கைன்னு புரிஞ்சு கொள்ளுங்க.இனிமையா வாழக் கற்றுக் கொள்ளுங்க.

நம்ம ஊரு சிண்ட்ரெல்லா

2011-07-13T19:54:00.001+05:30

ரதம் ரெடி,சாரதியும் சேவகனும் எங்கே?
இளவரசன் நடத்தும் விருந்துக்குச் செல்ல நேரமாகிவிட்டதே!!!!
நிஜ வாழ்க்கையிலும் இந்த சிறுமிக்கு ஒரு நல்ல இளவரசன் அமைய அனைவரும் வாழ்த்துவோம்.

மைலாப்பூர் தெப்பக்குளம் அருகே நான் மொபைலில் எடுத்த சின்ன சிண்ட்ரெல்லா.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

வாட்ச் பண்ணுங்க.

2011-07-12T08:26:00.003+05:30

வாட்ச் ஓடலை, சரி பண்ணனும் எங்கே குடுக்கலாம்?

அதோ அந்த கடையில் குடுங்க.

போய்யா !!! பெயர் பலகையையே சரிபண்ணாம வச்சிருக்காங்களே , இவங்களை நம்பி வாட்ச்சை ரிப்பேர் பண்ணக் கொடுக்கலாமா?

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

செந்தில் ஆட்சியைப் பிடித்தர்ர்

2011-05-18T21:34:00.005+05:30

அண்ணே

என்னடா தம்பி எங்கேடா செல்லம் போயிருந்தே..

நான் ஆட்சியைப் பிடிச்சுட்டேன் அதான் பிசி

டேய் கோணமண்டையா என்னடா சொல்றே நீ ஆட்சியைப் பிடிச்சியா
நெசமாத்தான் சொல்றேண்ணே நான்.ஆட்சியைப் பிடிச்சுட்டேன்...
எந்த கட்சியிலே நின்னு பிடிச்சேடா .முள்ளம்பண்ணித் தலயா
அண்ணே! மரியாதை மரியாதை...
ரெண்டுதரம் சொன்னா உனக்கு மரியாதை கொடுத்துடுவேனா ...சொல்லுடா எப்படா பிடிச்சே

நேத்துதாண்ணே

யார்டா உனக்கு ஓட்டு போட்டது,எந்த கட்சியிலே நின்னே..

ஆட்சியைப் பிடிக்க எதுக்குண்ணே கட்சி கொடி எல்லாம்... ஓட்டு. ஹி ஹி சரியான தேங்கா மடையனா இருக்கீங்களே ஐயோ ஐயோ நினைச்சாலே சிரிப்பாணி சிரிப்பாணியா வருது

மரமண்டையா சிரிக்காதேடா...ஓட்டு இல்லாம எப்படிடா ஆட்சியை பிடிக்க முடியும்
அதெல்லாம் வேண்டாண்ணே..

எப்டிடா..

அதெல்லாம் வேஸ்ட்ண்ணே..

சரி யார்டா உனக்கு பீரங்கி பிரச்சாரம் பண்ணினது,என்ன சின்னம்டா உன்னுது ஐய்யோ மண்டையப் பிச்சுக்கலாம்னு இருக்குடா...

எதுக்குண்ணே இப்படி தேவையில்லாத டென்சன்லே குதிச்சுட்டு வாரீங்க... சின்னம் ஓட்டு பிரச்சாரம் ..அதெல்லாம் ஆட்சியை பிடிக்க, திறமை இல்லாதவங்களுக்குத்தாண்ணே வேணும் எனக்கு இதெல்லாம் பஞ்சுமிட்டாய் .ஜுஜூபி...ரெண்டாவது லட்டுண்ணே..ஒண்ணும்தெரியாத அப்ராணியா இருக்கீங்களே...உங்ககிட்டே போய் அடியும் உதையும் வாங்கினதை நினைச்சா ஷேம் ஷேம் வெக்கம் வெக்கம்

டேய் என் பொறுமையை ரொம்ப சோதிக்கிறே....

நான் சொல்ல்றேன் ஆனா இந்த ஐடியாவை வச்சு நீங்களும் ஆட்சியைப் பிடிக்கக்கூடாது ஆமா சொல்லிட்டேன்.

இல்லடா செல்லம் பிடிக்க மாட்டேன் ஆட்சியை நீயே வச்சுக்க..சொல்லுடா சொல்லுடா

அண்ணே நேத்து நான் வீட்டுக்குப் போனேனா

அங்கே வச்சுதான் ஆட்சியை பிடிச்சேன்...
என்னடா சொல்றே வீட்ல வச்சு ஆட்சியைப் பிடிச்சியா...
ஆமாண்ணே எங்க ஆட்சி ஊர்லேருந்து வந்திருந்தாங்ஹ...அவங்யளைப் பார்த்ததும் நாம வெளையாடுவோமே டிங்கிலோனா அதுமாதிரி ,நானும் ஆட்சியும் ஓடிப்பிடிச்சு விளையாடுறது ஞாபகத்துக்கு வந்துச்சு, ஒரே ஃப்ளாஷ் பேக்கா வந்துச்சா ஒரே ஓட்டமா ஓடிப்போய் ஒரே ’லபக் ’ஆட்சியை பிடிச்சுட்டேன்..
டேய் நீ இவ்வளவு நேரமா ஆட்சி ஆட்சின்னு சொன்னது உன்னோட ஆட்சியா...டேய் அது ஆட்சி இல்லடா அது ஆ.+..ச்..+.சி =ஆச்சி...
ஸ்பெல்லிங் மிஸ்டேக் எல்லாம் பாக்கப்ப்டாதுண்னே....ஆட்சின்னும் எழுதலாம் ஆச்சின்னும் எழுதலாம் ரெண்டு ஒண்ணுதாண்ணே...
டேய் அரை வேக்காடு உனக்கு ஆச்சியும் ஆட்சியும் ஒண்னாடா...
ஐயோ யாராவது துணைக்கு வாஙகளேன் ...ஒண்டியா இந்த மாங்கா மடையனைச் சாத்தமுடியாது...ஐயா !தாய்மார்களே அம்மா !தகப்பன்மார்களே...வாங்க வாங்க...

.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

சிரிப்’பாய்’ சிரிக்கும் சின்னம்.

2011-05-01T08:04:00.004+05:30

அண்ணே வந்துட்டேன் ..

எங்கே போயிருந்தேடா செல்லம்

தேர்தல் ஆணையத் தலைவரோட ,‘கா’ விட்டுட்டு வெளி நடப்பு செய்துட்டு உண்ணாவிரதம்,குடியா விரதம்,மௌனவிரதம்ன்னு இருந்துட்டேண்ணே..

ஏண்டா செல்லம்,

போங்கண்ணே இந்த தேர்தல் விதியே எனக்குப் புடிக்கலைண்ணே..

எதுக்குடா செல்லக்கண்ணு

பின்னே என்னண்ணே, நான் இந்ததேர்தல்ல நிக்கலாம்ன்னு இருந்தேண்ணே இந்த சின்ன தகறார்லே மிஸ் பண்ணிட்டேண்ணே....

அது என்னடா சின்ன தகறாரு..?.நீ எப்பவுமே பெரிய தகறாருபிடிச்சவனாச்சே...

அண்ணே சின்னத்தகாறார்னா தேர்தல் சின்னம்ணே..

என்னடா ஆச்சு ?

எனக்கு பிடிச்ச பாய் சின்னம் கேட்டேண்ணே...தர மாட்டேன்னுட்டாங்க அதான் நிக்கலை..

.பாய்ன்னா ???

அதாண்ணே பாய்..எம் ஃபார் மேட்... பா ஃபார் பாய் ...

ஓ அந்த பாயா ?படுக்கற பாயச் சொல்றியா? நான் நம்ம கறிக்கடை பாய்ன்னு நினைச்சேன்...அது சரி அந்த பாய் மேலே உனக்கு என்னடா அவ்வளவு பிரியம்...அதைப் போய் சின்னமா கேட்டிருக்கே..
.
அண்ணே எலக்‌ஷண்லே நின்னு ஜெயிச்சா ஒரு ராசியான சின்னமா இருந்தாத்தானே நமக்கு நல்லது...

அடேடே நல்ல எண்ணம்தான் ,தொகுதிக்கு .நிறைய சேவை பண்ணலாம்ன்னு சொல்ல வரியா ?சீமண்ணை லைட் தலயா...

தொகுதியா ????அப்படின்னா என்னண்ணே...

கிழிஞ்சுது போ ..!அதுவே தெரியாம தேர்தல்ல நிக்றியாக்கும்...

எல்லாரும் அப்படித்தாண்ணே நிக்கிறாங்க

சரி சொல்லித் தொலைடா ...எதுக்கு உனக்கு பாய் சின்னம் வேணும்....?

பாய் சின்னத்திலே நின்னு ஜெயிச்சாதானே நல்ல .......

.நல்ல ......நல்ல ...சொல்லித்தொலையேண்டா நல்ல ?????

”நல்ல சுருட்டலாம்ணே...

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

டில்லி கணேஷ் ஹ்யூமர் கணேஷ்

2011-04-12T07:58:00.001+05:30

ஆடியன்ஸ் வரிசையில் ஹ்யூமர் கணேஷ்

மேடையில் மாலை மரியாதை

குலுக்கல் பரிசுக்கான கூப்பன் எடுக்கிறார்

பரிசினை வழங்குகிறார்

ரசிகர்களுக்கு ஆட்டொகிராஃப்
---------------------
ஆடியன்ஸ் ஜோக் செக்‌ஷன்
.
“மேப்பில் ஆகட்டும் மேட்ச்சில் ஆகட்டும் ஸ்ரீலங்கா எப்பவுமே இந்தியாவுக்குக் கீழேதான்”

“அனில் கும்ப்ளேயின் அப்பா அம்மா பெயர் என்ன?
ஆம்ப்ளே...பொம்ப்ளே”

கிளப் செக்ரட்டரி உரை.இவர் அழைப்பின் பேரில் ஒரு கூட்டத்துக்குச் சென்றிருந்தார்.எதிர்பாராமல் DOG SHOW ஒன்று இடையே நுழைக்கப்பட்டுவிட்டதால் ,இவர் கொஞ்சம் பொறுமை இழந்தவராக கூட்டம் ஏற்பாடு செய்தவரை தன்னுடைய பேச்சு எப்பொழுது என்று கேட்க,”கோபப் படாதீர்கள் சார்,அந்த நாய்க்குப் பிறகு நீங்கதான் சார் “சிரிப்பு அலை கொஞ்சம் எழுந்து வடிந்தது.

மேடையில் ஒருவர் சொன்னது,பூகம்பத்தையும் பூ- கம்பமாக்கும் வித்தை இந்த ஹ்யூமருக்கு உண்டு.
உண்மைதான் ,ஆனால் இந்தமுறை பூக்கள் கொஞ்சம் வாடலாக இருந்தன.சீஃப் கெஸ்ட் உரை ஒன்றுதான் எல்லோரையும் கட்டிப்போட்டு வைத்தது.காமெடியில் 3 வகை என்றார் கணேஷ்.
ஆக்‌ஷன் காமெடி ,சிட்டுயேஷன் காமெடி,டையலாக் காமெடி.
ஒருவர் ஜோக் சொல்லும் போது மைக் சரியாக வேலை செய்யவில்லை...பக்கத்தில் அமர்ந்திருந்த பெண்மணி அலுத்துக் கொண்டார்...
அவருக்கு என் சமாதானம் “மைக் வேலை செய்து நாம் கேட்டாலும் சிரிக்கவா போகிறோம்” பளிச்சென்று சிரித்துவிட்டார்.
மன்னிக்க வேண்டும் இந்த மாத ஹ்யூமர் இன்னும் சிறப்பாக இருந்திருக்கலாம்.

டெல்லி கணேஷ் நடித்த ஆஹா பட க்ளிப்பிங்ஸ் வீடியோ காட்சி ஒளிபரப்பினார்கள்.எத்தனை முறை பார்த்தாலும் அலுக்காத காட்சிகள் ஹ்யூமர் கிளப் ஹாலில் தொடர்ந்து சிரிப்பலையை வீசியது

சிந்து பைரவியில் சான்ஸ் கிடைத்த விவரத்தை அழகாக கூறினார்.மிருதங்க வித்வான் அந்த ரோல் ஏற்க மறுத்தபின் இவருக்கு வாய்ப்பு கிட்டியதை கூறினார் .தேர்ந்தெடுக்கும் முன் ,இவனா செய்வானா என்று யோசித்த கேபி யின் முக பாவத்தை அப்படியே காட்டினார்.

தனக்கு ஏற்பட்ட பைபாஸ் சர்ஜரி ஒருவன் வாழ்க்கையில் எதற்கு முக்கியத்துவம் தரவேண்டும் என்பதை உணர்த்தியது என்ற தன் அனுபவத்தை எடுத்துச்சொன்னார்.பைபாஸ் என்றதுமே சினிமா டீவி சீரியல் இன்ன பிற விஷயங்கள் மனதை விட்டு விலகியது என்றார்.அரசியல் பற்றி இலைமறை காய்மறையாக தன் கருத்தை வெளியிட்டார்.

நடிகர்கள் ,தேர்தல் பிராச்சாரத்தில் இறங்கியது இவரால் ஏற்றுக் கொள்ளமுடியாத விஷயம் என்பது இவரது பேச்சில் தொனித்தது.[இவருடைய சொற்பொழிவு அனைத்துமே ஆக்‌ஷன் கலந்திருந்தது ,சில அரசியல் மேலோட்டமாகக் கலந்திருந்தது, ,

மிக்சரில் அல்லது பாயாசத்தில், முந்திரிப்பருப்பு தேடி எடுத்துத் தருகிறேன்.இந்தமுறை கஷ்டப்பட்டுத் தேடி எடுக்கும் படிதான் இருந்தது

அழைப்பில்லாமலேயே இனி தொடர்ந்து வருவேன் என்று கூறி அமர்ந்தார் டில்லி கணேஷ்.

.

சாலையும் பாடசாலையாகும்

2011-04-11T13:13:00.001+05:30

டேய் மச்சான்
என்ன மச்சான்
சும்மாவே மனுஷங்க விட்டா தலைலே ஏறுவாங்க நீ வேற ஏணி பிடிச்சுட்டு வரே கேக்கவே வேண்டாம்,பாத்துக்கோ........சர்ருன்னு ஏறிடப் போறாங்க....
-------------

வீழ்ந்த நான் பாவியா ,
என்னை வீழ்த்தியவர்கள் பாவியா
மதி கெட்டு வீழ்ந்தேனா ,
விதி வந்த தள்ளியதா
இந்த ஜென்ம பாவமா
போன ஜென்ம சாபமா?

என் நிலைமை யாருக்கும் வர வேண்டாம்
வந்த பின்னே வேதனையில் விழ வேண்டாம்
வரும்முன் உணர்ந்திடுங்கள்
வராமல் காத்திடுங்கள்.
[படம் சென்ற ஆண்டு மெரினா பீச்சில் எடுத்தது]
-----------------------------------

மனிதர்களோடு தோழமையோடு பழகிப் பழகி
நானும் அவர்களைப்போல் ,
பச்சோந்தியாய் போனேனே.
நன்றியுடன் வாலாட்டி ,
காத்து நின்ற எனக்கு ,
இவர்கள் செய்த கைமாறு இதுதானா?

[இரண்டு ஆண்டுகளுக்கு முன் எடுத்த படம்.இவர்,இன்னமும் எங்கள் தெருவில் ஓடிக்கொண்டிருக்கிறார் செல்லமாக நான் வைத்த பெயர் SANDy]

பாரதியார் பரிதவிக்கிறார்

2011-04-08T18:26:00.000+05:30

முட்டை அடி, முட்டை அடி .
முட்டை அடி தமிழ் நாடு முழுவதும் ,நாறிட ,
கைநோக, முட்டை அடி .
நம்மிடம் உள்ள நியாயம் போயின,
கேவலப் பட்டோமென்று ,
முட்டை அடி
.
---------------------

தமிழன் என்று சொல்லடா தலை குனிந்து நில்லடா!

என்று தணியும் இந்த நாற்காலி மோகம்?
என்று தணியும் உங்கள் பதவியின் தாகம்?
..........................
------------------------------------
வெட்கமில்லை வெட்கமில்லை வெட்கமென்பதில்லையே .
இச்சகத்து உள்ளோரெல்லாம், ஏளனம் செய்த போதிலும் ,
வெட்கமில்லை ,வெட்கமில்லை, வெட்கமென்பதில்லையே.
லஞ்சம் வாங்கி உண்ணும் நிலைமை, வந்து நின்ற போதிலும்,
வெட்கமில்லை வெட்கமில்லை வெட்கமென்பதில்லையே.
துச்சமாக எண்ணி நம்மைத் தூற்றி நின்ற போதிலும்,[வெட்கம் இல்லை...]
தங்கதமிழ் ,தரம் இறங்கி நின்று விட்ட நிலையிலும்,[வெட்கம் இல்லை..]

மறுபதிவு

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

பிட் போட்டிக்கு ,ரெட் -டியா?

2011-04-04T12:35:00.008+05:30

இது எப்படி இருக்கு?
லண்டன் மாநகரில் பூத்திருந்த டெலிஃபோன் பூத்.
தட்டிய ஆண்டு 1992.
-----------------------
மும்பை துர்கா பூஜையில்

---------------------------------------------------

---------------------------------

கிருஷ்ணமாச்சாரி யோகா மையத்தில் நாகலிங்கம்

சிங்கப்பூர் மாலில் கடிகாரக் கடை

------------மலர் அலங்கார உருளிகள்
ஒன்று அண்ணன் மகள் வீட்டில்
மற்றது ஸ்டாண்டர்ட் சார்ட்டட் வங்கி வாசலில்

ஹா ஹா ஹா ஹாபி

2011-04-01T14:44:00.004+05:30

வாஸ்து ,ஃபெங்சுயி என்ற இரண்டும் ஒருசில ஆண்டுகளாக மிகவும் பிரபலமாகி ,பலரை ஈர்த்து வந்துகொண்டிருக்கிறது.
வாஸ்து விஷயத்தில் கட்டிடம் கட்டப்படும் முன் கவனிக்க வேண்டிய விஷயங்கள் அதிகம் சொல்லப் பட்டிருக்கும்.
ஃபெங்சுயி ,கட்டிய அறையில் எந்த பொருளை எப்படி வைத்தால் என்ன பலன்,மூங்கில் செடிகள்லக்கி பிளாண்ட்,க்ரிஸ்டல்,அலங்கார மணிதொங்கட்டான்கள்,லாஃபிங் புத்தர் என்று பல குறிப்பிடப் பட்டிருக்கும்.
அவைகளில் ,என்னைக் கவர்ந்தது வீட்டுக்குள் நீரூற்று வைத்தால் நல்லது என்ற குறிப்பு.
தண்ணீர் விழும் ஓசை கேட்டால் நல்லது ,என்ற குறிப்பைத் தெரிந்து கொண்ட அந்த நாளிலிருந்து ஃபௌண்டன் மீது எனக்கொரு தீராத ஆசை.
ஹோம் டெகர், லைஃப்ஸ்டைல்,போன்ற கடைகளில் பார்த்தவரை,விலையும் அழகும் ,அளவும் ,ஒத்துப்போகாத நிலையில் ,வாங்கி வைப்பது தள்ளிக் கொண்டே போனது.
ஒரு நாள்,என் உச்சி மண்டையில் ஒரு பல்ப் பளிச்சிட்டது.....நாமே செய்தால் என்ன?
அந்த பல்ப் எறிய கனெக்‌ஷன் கொடுத்தது,என்னுள் உறங்கிகொண்டிருந்த ,டி.ஐ.யு.புத்தி[அதாவது டு இட் யுவர்செல்ஃப் ]13 -16 வயதில் எல்லா பெண்களும் கொலுசும் ,ஜிகினாப்பொட்டும்,மெஹன்தியும்,தேடி அலையும் காலகட்டத்தில் ,நான் ஈடுபட்டதெல்லாம்,எலெக்ட்ரிக் கிட் ,மோட்டார்கிட் என்று வாங்கி,நாலு பேட்டரி,ஒரு பல்ப் ஹோல்டர்,ரெண்டடி நீள் ஒயர்கள்,காலிங் பெல்,காந்தம்,என்று பொழுதைக் கழி/ளித்திருக்கிறேன்.அந்த வரிசையில் நான் பேஸ்ட் ட்யூபில் ,பறக்க விட்ட ராக்கெட் பற்றி மற்றொரு பதிவில் சொல்கிறேன்.
அந்தக்காலத்திலேயே, கலாம் காணச்சொன்ன கனவோடு இருந்தவள்.இந்த பதிவை வாசித்தால் ,அவர் என்னை நிச்சயம் பாராட்டுவார்.

ஒரு தச்சு ஆசாரியை வீட்டுக்கு வரவழைத்தேன்....ப்ளை வுடில் வீடு ,அதற்குள் லைட்...
பாவம் ,காசி என்ற அந்த ஆசாரி,அவரே சுத்தியல் மாதிரி நோஞ்சானாக இருப்பார் .,என்னிடம் மாட்டிக் கொண்டு,
”பொம்பளையா லட்சணமா இல்லாம என்ன இது சுத்தியலும்,ஆணியுமா...”என்று அலுத்தவாறு வேலை செய்திருப்பார் என்று இப்பொழுது நினைக்கிறேன்.
சரி விஷயத்துக்கு வருவோம்
நிதானமாக யோசித்து,தேவையான பொருட்களை மனதுக்குள்ளேயே லிஸ்ட் போட்டபிறகு,
நான் வாங்கிய ஒரே ஒரு பொருள்....ஃபௌண்டனுக்கான மோட்டார் மட்டுமே
.மற்றபொருட்கள் எல்லாமே வீட்டில் இருந்தவைகள்தான்.
வெரி சிம்ப்ள்.
அடிப்படை அமைப்புக்கான தேவையான பொருட்கள்:
ஒரு ப்ளாஸ்டிக் கண்டெய்னர்
மோட்டார் ,அலங்கார மீன் வளர்ப்பு கடைகளில் கிடைக்கும்.
மோட்டார் ட்யூபில் சொருக பிளாஸ்டிக் ட்யூப்[ஹர்டுவேர் ஷாப்பில் கிடைக்கும்
வண்ணச்சரளைக்கற்கள்,கண்ணாடி கோலிகள்,
ஒரு அலங்கார குதிரை,[அல்லதுஉங்கள் வசம் இருக்கும் ஏதாவது ஒரு பீங்கான் பொம்மை]
சுத்தமான மினரல் தண்ணீர்.[நீங்கள் அமைக்க இருக்கும் தொட்டியின் அளவைப் பொறுத்து.1-2 லிட்டர்]
,செய்முறை:
பிளாஸ்டிக் கண்டெய்னரில் மோட்டாரை ,அதன் ரப்பர் வேக்குவம் பிடிமானத்தை அழுத்தி ஒட்டுங்கள்.அதன் மேல் தண்ணீர் வெளியாகும் பகுதியில் ட்யூபை 3 அங்குல அளவில் வெட்டி சொருகி வைக்கவும்
.[.ட்யூப் ஹார்டுவேர் ஷாப்பில் கிடைக்கும்.ஒரு மீட்டர் 12 ரூ.]
மண் டம்
மோட்டார் முங்கும் அளவு தண்ணீரை கண்டெய்னரில் ஊற்றி ,நடுவே தண்ணீர் நிரப்பிய மண்கோப்பையை நிறுத்தி அவைகளைச் சுற்றிலும் வண்ண சரளைக் கற்களைப் பரத்தி வைத்தபின் குதிரையை மோட்டர் மேல் நிறுத்தி வைக்கவும்..
மோட்டர் ஓட விடும் முன் ட்யூபை ,தண்ணீர் கோப்பைக்குள் விழுமாறு சரி செய்து வைத்தபின் பிளக்கை சொருகி
ஸ்விட்ச் போடவும்.இந்த மாடல் ஒரு அறிமுக மாதிரிதான் .இங்கிருந்து நம் கற்பனையும் ,கைவண்ணமும் கலந்து பல மாடல்கள்களை உருவாக்கலாம்.

சல சல வென்று தண்ணீர் மேலே ஊற்றென புறப்பட்ட போது.
முதல் முறையாக வீட்டில் ஃபௌண்டன் ஓசை கேட்டதும் அப்படி சிலிர்த்துப்போனேன் அதுவும் நானே செய்தென்றால் கேட்கவா வேண்டும் .

இங்கே நான் சொல்லி விளக்கியிருப்பது , அடிப்படை அமைப்பு.
இனிமேல் அவரவர் நேரம் தேவை
கைவண்ணம் ,கற்பனையைப் ,பொறுத்து விரிவாக்கம் செய்து கொள்ளலாம்.

ரூ.250க்கு வீட்டிலேயே ’மிக்ஸ் அண்ட் மேட்ச் ’பாணியில்,செய்த இந்த மூன்று வகை ஃபௌண்டன்கள் தரும் சந்தோஷத்தை ஆயிரம் இரண்டாயிரம் ரூபாய்க்கு வாங்கிய ஒரு ஃபௌண்டன் தருமா?

மோட்டார் இணைக்கும் முன் அதில் சொல்லப்பட்டிருக்கும் விதிமுறைகளை வாசித்துக் கொள்ளவும் அல்லது கடைக்காரரிடம் விவரம் கேட்டுக் கொள்ளவும்.

இந்த இரண்டு வாத்துகளும் சமைலறையில் அளவுக் கிண்ணங்கள்

பிளாஸ்டிக் பெட்டியின் மீது தெர்மோகூல் ஷீட்,தண்ணீர் உள்ளே மறுபடியும் வழிய துவாரங்கள் இட்டு அமைத்தது.

சக பதிவர்களே, செய்து பார்த்து பதிவிடுங்கள்.
அனைவரது கைவண்ணம் காணக் காத்திருக்கிறேன் .
முந்திய பத்து ,முதல் பத்து என்று வரிசைப்படுத்திப் பார்க்கலாம்.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

போதி மரம் போதித்தது

2011-03-29T18:06:00.002+05:30

உலகில்
புத்தருக்கு மட்டும்தான், மரியாதை .
புத்தரைப் போல் நாம் இருந்தால்
நமக்கு இதுதான் மரியாதை.

விவேகமான விவேகானந்தருக்கே
இந்த கதியென்றால்,
நமக்கு என்னன்ன காத்திருக்கிறதோ?

நேஷனல் ஜியோகிரஃபி, ’புறா’ஜெக்ட்

2011-03-23T18:58:00.002+05:30

இன்னும் கொஞ்சம் பக்கமா வா.....என்ன இவ்வளவு பயம்

இருங்க யாராவது பாக்றாங்களான்னு பார்க்கிறேன்

யாருமில்லை...

இல்லையே யாரோ பாற மாதிரி இருக்கே....

நினைச்சேன் கோமாதான் ....பால்கனிலேருந்து நம்மை ஃபோகஸ் பண்றதைப் பாரு...

இந்த அம்மாவுக்கு வேற வேலையே கிடையாதா...

ஒரு, டப்பா ,சப்ப ,ஜுஜுபி கேமராவை ,வச்சுட்டு என்ன வரத்து வாராங்க...

எடுக்றதுக்கு வேற சப்ஜெக்டா இல்லை....கிழிஞ்ச் பட்டம் ,காஞ்ச கிளைன்னு எத்தனையோ இருக்கே...அதையெல்லாம் விட்டுட்டு....

அவங்களை உள்ளே போகச் சொல்லுங்க எனக்கு வெக்கமா இருக்கு.....

பாரேன்...இதிலே சூம் வேற...என்னவோ டிஸ்கவரி சேனலுக்கும் நேஷனல் ஜியோ..வுக்கும் ஆஸ்தான் ஃபோட்டோகிராஃபர்ன்னு நினைப்பு...

இதுக்கு மேலே நான் என் வீட்டு பால்கனியில் நின்னா ,எனக்கு மரியாதை இல்லை. என்று நைசாக நழுவினேன்.

அதே இடம் ,அதே மரம், இலைகள் துளிர்த்த பருவம்.
பட்டம் கூட இன்னும் ஊசலாடிக் கொண்டிருக்கிறது.

கதவுகள்

2011-03-21T00:05:00.000+05:30

மூன்று மணிக்கு எடுத்த படம்.
----------------------------------------------
தோழி வீட்டுக் கதவு

பட்டாணி அலமாரியின் கதவுகள்.
என்ன ஒரு வித்தியாசம் திறந்தால் மூட முடியாது...

கண்டுபிடிச்சீங்களா

2011-03-10T17:43:00.006+05:30

தேமேன்னு கிடந்த என்னை போட்டோ பிடிச்சு என்னை வச்சு காமெடி கீமடி பண்ணீட்டாங்களே...அவ்வ்வ்வ்வ்

இந்த காப்பி ஃபில்ட்டரில் டிகாக்‌ஷன் சொட்டுவதைப் படம் எடுக்க எத்தனித்த போதுதான் இந்த சூரிய் உதயமும் அஸ்தமனமும் நமக்குக் கிட்டிய்து.
எல்லோரையும் எப்படியெல்லாம் மண்டை காயவைத்து விட்டேன்.ஃபோட்டோவைப் பார்த்த உங்களுக்கே மண்டையி கிர்ர்ர்ர் ஆனால் எடுத்த எனக்கு எப்படி கிர்ர்ர்ர் ஆகியிருக்கும் ..என்ன எடுத்தேன் என்ன வந்திருக்கிறது....கிர்ர்ரங்கிப் போனேன்
1-
GEETHA ACHAL said...ஒன்னுமே புரியவில்லை...ஆனா இரண்டு படங்கள் மட்டும் தெரியுது...

எனக்கு இதுதான் முதல் வெற்றி .

2-Chitra said...அந்தி சாயுற நேரம்..... மந்தார செடி ஓரம்.... ஹா,ஹா,ஹா,ஹா,ஹா
ஹ ஹ ஹா ந்னு தப்பிச்சுட்டாங்க..அந்தி சாய்ற நேரமாம்...காப்பி குடிக்கிற நேரம்...

3-வசந்தா நடேசன் said...தெரிகிறது.. ஆனா தெரியலை.. (வரும்... ஆனா வராது. )
என்னமா நழுவிட்டாங்க...

4-ஹுஸைனம்மா said...குக்கர்?
”குக்கரா அது எப்படி இங்கே..கிட்சனுக்குள் விடை இருக்குன்னு கண்டு பிடிச்சதுக்காக 30 விழுக்காடு மதிப்பெண்”

5-அமைதிச்சாரல் said...பின்நவீனத்துவ புகைப்படங்கள் எனக்கு என்றுமே புரிவதுபோல் தோன்றினாலும், உண்மையில் புரிவதில்லை என்பதை இந்த தருணத்தில் சொல்லிக்கொள்ள ஆசைப்படும் அதே நேரத்தில், புரிந்ததெல்லாம் புரிந்ததல்ல.. புரியாததெல்லாம் புரியாததல்ல என்ற எல்லோருக்கும் புரிந்த தத்துவத்தையும் நான் புரிந்துவைத்திருக்கிறேன் என்பதை உங்களுக்கு புரியவைக்க நான் கடமைப்பட்டிருக்கிறேன்..

ஏதாவது புரிந்ததென்றால் எனக்கும் புரியவையுங்கள் :-))))))))))))))))))))))))))))))))

எல்லோரும் என்னை ரொம்ப மன்னிக்கணும் .பிரபல பதிவரை இப்படிப் புலம்ப வைத்து விட்டேன்

6-FOOD said...எனக்கு விடை தெரியும். ஆனா, நீங்க சொன்ன பின்னர் கூறுகிறேன். :-)))
கமென்ட் no. 11
என்னுடைய மறுமொழியையும் சேர்த்து எண்ணி 11 ஆச்சு என்று தன் ஆர்வத்தை அழகாக வெளியிட்டிருக்கிறார்.இப்போ விடை சொல்லலாமே FOOD
7-நாஞ்சில் பிரதாப்™ said...இரண்டும் கடறகரையில் சூரியன் அஸ்தமிக்கும் நேரம் எடுக்கப்பட்டது. முதல் படத்தில் சூரியன் தெரிகிறது.

தப்பா இருந்தாலும் கரீட்டுனு சொல்லுங்க... பப்ளிக் பப்ளிக் :))

நான் விடை சொல்லும் இடத்தில் இருந்திருந்தால் நானும் இப்படித்தான் தப்பு தப்பாய் சொல்லியிருப்பேன்.அந்த வகையில் நீங்க க்ரீட்

இரண்டும் கடறகரையில் சூரியன் அஸ்தமிக்கும் நேரம் எடுக்கப்பட்டது. முதல் படத்தில் சூரியன் தெரிகிறது. தப்பா இருந்தாலும் கரீட்டுனு சொல்லுங்க... பப்ளிக் பப்ளிக் :))
9 March 2011 16:29
8- ஜெய்லானி said...: சுவத்துல இருக்கிற பல்லிய எடுத்தீங்களா ????
வந்துட்டார்யா வந்துட்டார்....புளுக்ராஸ் மெம்பர்...பல்லி பாச்சா கொசு ..நலவிரும்பி.

9-வசந்தா நடேசன் said...இன்னும் வரலை?? அதான் பதினொண்ணு தாண்டிருச்சே.. மீண்டும் ஒரு //வரும்... ஆனா வராது.//

நான் 15க்காகக் காத்திருக்காத காரணமே இவரது ஆர்வம்தான்.
10 கூட தாண்டலை.என்ன அவசரம்?.என்ன இது சின்னப் புள்ளைத்தனமா இருக்கு .

10-Sriakila said...உங்க பதிவுக்கு வந்ததில இருந்து எங்க மண்டைக்குள்ள ஒண்ணு விட்டு விட்டு எரிங்சுக்கிட்டே இருக்குதே...அதுவா இருக்குமோ?

நாங்க எவ்வளவு நேரமா தான் காத்துக்கிட்டே இருக்கிறது இப்ப வரும், இப்ப வரும்னு அவ்வ்வ்வ்வ்வ்வ்வ்வ்வ்வ்வ்...
ஐயோ பாவம்! ’அதுவா இதுவா’ ன்னு மண்டைக்குள் எரியுதாமே சீக்கிரமே அணைக்க வேண்டும். அவ்வ்வ்வ்வ்வ்வ்வ்வ்வ்

11-Sundar said...ஒரு car-ன் உள்ளே இருந்து, மழை பெய்துகொண்டிருக்கும் சாலையை படம் எடுத்தது மாதிரி இருக்கு?

தண்ணீர் ,ஆவி சன்னலில் வழியும் நீர்துளிகள்..... கொஞ்சம் பதில் ஒத்துப் போகிறது ,ஆனால் நான் காரில் இல்லை,க்ளாஸுக்குள் டிகாக்‌ஷன் மழை ,நான் வெளியே...
இவருக்கு ஒரு 35 விழுக்காடு தரலாம் இல்லையா?

சரி எல்லோருமா சூடா ஃபில்டர் காப்பி போட்டு ரசிச்சு குடிங்கோ .
”ஆஹா பேஷ் பேஷ்..ஹாஸ்யம் ரொம்ப நன்னா இருக்கு”ன்னு பாராட்டிட்டு இந்த நாள் எல்லோருக்கும் இனிய நாளாக வாழ்த்துங்கள்

ஹேப்பி காப்பி டே

நான் தாங்கோ படம் எடுத்தேன்

கண்டு பிடிங்கோ

2011-03-09T08:15:00.001+05:30

இந்த இரண்டு படங்களும் எங்கே எத்தனை மணிக்கு எடுக்கப்பட்டது என்பதை சொல்லுங்கள் .இரண்டுமே ,ஒரு நிமிட இடைவெளியில் எடுக்கப் பட்டவை.
எடுத்தபின் பார்த்தால் ,”நினைச்சது ஒண்ணு நடந்தது ஒண்ணு ”பாணியில் ,”எடுத்தது ஒண்ணு ,விழுந்தது ஒண்ணு அதனாலே முழிக்குதே அம்மாக்கண்ணு” என்னை ஒரு வழி பண்ணி விட்டன.

சரி இப்போ உங்களுக்கு ஒரு க்விஸ்.

இது என்ன ?

ஒரு 15 பின்னூட்டம் வந்தபின்னர்தான் விடை சொல்லப் படும்.
யுவர் டைம் ஸ்டார்ட்ஸ் நெள...10...9...8...

பிட் கையால் பெற்ற குட்டு

2011-03-05T07:39:00.003+05:30

இது வரை நான் கலந்து கொண்ட புகைப்பட போட்டியின் விவரம் இங்கே தொகுத்திருக்கிறேன்.

வட்டம் என்ற தலைப்புக்கு அனுப்பப் பட்ட படம் எனக்குக் கற்றுத் தந்த பாடம்.

இங்கே சொடுக்கினால் விவரம் கிட்டும்
முதல் பத்துக்குள் வந்த சிலந்திவலை இது.
இங்கும் விவரம் இருக்கும்

இந்த படத்துக்கான கருத்து.:
கோமா
1.)வித்தியாசமான சிந்தனை,சற்றே பிற்தயாரிப்பு செய்து contrast கூட்டி இருக்கலாம்!! மாற்றும் கருப்பொருள் நட்ட நடுவில் இருப்பதற்கு பதிலாக சற்றே தள்ளி இருந்தால் காட்சியமைப்பு மேம்படும்.
2.)நல்ல கண்ணோட்டம்! வானத்தின் நீலம் இன்னும் கொஞ்சம் நீலமாக இருந்தால் பார்க்க நன்றாக இருக்கும்! பிற்தயாரிப்பு செய்து அதை சரி செய்ய முயற்சித்திருக்கலாம்.வட்டத்தை முழுமையாக எடுத்திருக்கலாம்,சுற்றி எப்படி இருந்தது என்று தெரியவில்லை,அதனால் எடுக்க முடியாத படி வட்டத்தை சுற்றி ஏதாவது இருந்திருக்கலாம் என்று புரிகிறது..
*****************************************
அடுத்து விளம்பரம்

அடுத்து முதல் பத்துக்குள் வந்த படம் எனக்கு மிகவும் பிடித்து நான் பிடித்த படம்.மும்பை வந்திருந்த தோழி மெக்டொடால்ட் ஃப்ரைஸ் எடுக்கிறார்.
எனக்கு 10க்குள் ஒன்று என்ற ப்ரைசை அளிக்கிறார்.

பிட் என்ன சொல்கிறது.சொடுக்கிப் பாருங்கள்.

விளம்பரம் என்ற தலைப்பில் நடத்திய போட்டியில் என் படம் பத்தில் ஒன்றானது.

நடுவர்கள் - ஜீவ்ஸ்,CVR,சர்வேசன்,ஆனந்த்,தீபா(சிறப்பு போட்டியாச்சே,அதான் எல்லோரும் கோதால குதிச்சிரலாம்னு.. ஹி ஹி)
நான் முன்பே சொன்னது போல முதல் சுற்றில் நடுவர்களின் தேர்வு மட்டுமே இருக்கும் ஆனால் இரண்டாவது சுற்றில் நடுவர்களோடு பார்வையாளர்களின் தேர்வும் கணக்கிலெடுத்துக்கொள்ளப்படும்!!

ஆங்!!சொல்ல மறந்துட்டேன்!! முதல் சுற்றில் பிட் போட்டியில் இதுவரை பங்கு பெற்றவர்கள் கலந்துக்கொள்ளக்கூடாது என்று சொன்னேன் அல்லவா.அவர்கள் யார் யார் என்று பார்த்துவிடலாமா.இங்கே க்ளிக்கினால் தெரியும்

பல கலைஞர்களுக்கு நடுவே என் பெயரும் சேர்ந்தது.
இதுவும் ஒரு வகையில் பாராட்டாக ஏற்றுக்கொள்ளலாம்.

#############################################
இரண்டாம் இடம் பிடித்த அழகான படம்.
விவரம்.இங்கே

---------------------

மூன்றாம் இடம் :

இந்த இடத்திற்கு பிரகாஷ், கோமா,ராம், அமல் மற்றும் MQN படங்களுக்கிடையே கடும் போட்டி..

சபாஷ் சரியான போட்டி.

புதிய இணைப்பு
மும்பை டாஜ் ஹோட்டலில் லாபியின் சீலிங் இது.
இங்கே க்ளிக் செய்து,

இதற்கு பிட் என்ன சொல்லியிருக்கிறது பாருங்கள்
தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

ஹுமர் கிளப்புக்கு வாரிஹளா?

2011-02-13T21:21:00.003+05:30

நல்ல ஒரு டான்ஸ் ரசிக்க
பல மாதங்கள் கழித்து இந்த முறைதான் ஹஹ்ஹா கிளப் செல்ல வாய்ப்பு கிட்டியது.

வீட்டிலிருந்து கிளம்பும் அவசரத்தில் பேப்பர் பேனா எடுக்க மறந்து போனேன்.வல்லவனுக்குப் புல்லும் ஆயுதம்தானே.
செல்ஃபோன் SMS கைகொடுத்தது .துணுக்குகளை மெசேஜ் வடிவில் டிராஃப்ட் செய்து கொண்டேன் .
இதோ அங்கே வந்திருந்த ,’எட்டிலிருந்து எண்பது’ வரை உதித்த ஜோக்ஸ்.

சீப்புக்கும் வாழைப்பழத்துக்கும் என்ன வித்தியாசம்
சீப்பு தலையை வாரும்,வாழைப்பழம் காலை வாரும்
ஹா ஹா ஹா..

சுத்தம் பார்க்கும் ஒரு லேடி பழம் வாங்க வந்தாளாம்.எனக்கு எல்லாமே சுத்தமா இருக்கணும் 3 கிலோ ஆப்பிளை சுத்தமா துடைச்சு கொடு என்று சொல்லிய பிறகு ஆரஞ்சு பழம் அதிலே 4 கிலோ .....அதையும் துடைக்கணும்...
திராட்சை என்று அவர் சொல்லி வாய்மூடும் முன்,
திராட்சையெல்லாம் காலி என்றாராம் கடைக்காரர்.
ஹா ஹா ஹா

மூன்று அசத்தல்மன்னர்கள்
------------------------------------------
தேவை ,வசதி ஆடம்பரம் எல்லாமே ஒரே விலை விக்குது
எப்படி
ஒரு கிலோ வெங்காயம் 65 ரூபாய்,பெட்ரோல் லிட்டர் 65 ரூபாய்,விஸ்கி அதுவும் 65 ரூபாய்

நம் ஊரில் இறக்குமதி ஏற்றுமதி ஆன பொருள் இரண்டு சொல்லு
இறக்குமதி சோனியா
ஏற்றுமதி சானியா.

அடுத்தமாதம் 13ம்தேதி மாலை 4 மணிக்கு தயாராக இருங்கள்.சிரிக்கலாம்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

நீங்கள் பம்பரமா பட்டமா?

2011-02-07T16:14:00.002+05:30

ராமலஷ்மியின் ‘நவீன விருட்சம் ’ [வாசிக்க, தட்டுங்கள் திறக்கப்படும்]
வலைப்பூவில் சொருகிய ஒரு கவிதை மலர் 'அழகிய வீரர்கள் 'என்ற கவிதை என் மனதில் தூண்டி விட்ட வரிகள் .

பட்டத்துக்கு ,மாஞ்சா தடவிய வலுத்த கயிறு
பம்பரத்துக்கு சுண்டிவிட ஏதுவான சுழன்ற கயிறு
பெண்ணுக்கு மஞ்சள் தடவிய தாலிக் கயிறு.

நீங்கள் யார்?

கயிற்றினை ஒருவர்
கையில் பிடித்திருந்தாலும்
சுதந்திரமாய் பறக்கவிடப்பட்ட,
விண்ணை எட்டும்
பட்டமா?
விரல் இடுக்கில் கயிறும்
சுண்டி இழுத்த வீச்சுமாக
தரையில் சுற்றிச் சுற்றி
சோர்வடையும்
பம்பரமா
உங்கள் வீட்டில்
கயிறு யார் கையில்?
பட்டமாய் பறப்பது யார்?
பம்பரமாய் சுழல்வது யார்?

யோசித்துச் சொல்லுங்கள்.

--------------------------------------------------

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

தாமரை பூத்தத் தடாகமடி

2011-01-30T13:52:00.002+05:30

இந்த தாமரைத் தடாகத்தைப் பார்த்ததும் எண்ணத்தில் உதித்து எழுத்தில் விழுந்த சில .சொற்சித்திரங்கள்..

சுற்றிலும் தண்ணீர் நிரம்பி வழிந்தாலும் இலை மேல் தண்ணீர் உருளத்தான் செய்கிறதே தவிர உட்காரவில்லையே ...நாமும் அப்படித்தான் இருக்கணுமோ?..இருந்தால்தான் நிம்மதியோ?

சேற்றில் மலர்ந்தாலும் நாங்கள் சேருமிடம் இறைவனின் பாதகமலங்கள்.
எங்கிருந்து வந்தாய் என்பதல்ல உன் விலாசம் ...எப்படி இருக்கிறாய் என்பதுதான் நமக்கு ,அழியாஅடையாளம்.

நாமிருவர் நமக்கிருவர் என்ற குடும்பக்கட்டுப்பாட்டை உணர்த்தும் வண்ணம் என் கேமராவே கணித்து எடுத்திருக்கிறது..[எடுக்கும் பொழுது ,உச்சிவெயில் கேமரா வ்யூ ஃபைண்டருக்குள்ளும் விழ ,.உத்தேசமாக பிடித்தேன்
]
பார்வதியும் பரமேஸ்வரனும் அமர்ந்திருக்க ,எதிரே பிள்ளைகள் இருவரும் பணிவுடன் நிற்கும் தோற்றம் புலப்படுகிறது..என்னே மரியாதை !!!,மாங்கனி வரும்வரை...

மாந்தரின் உள்ளத்தனைய உயர்வுக்கு,”வெள்ளத்தனைய மலர் நீட்டம் ..”என்று என்ன ஒரு அழகான உவமையைத் தந்திருக்கிறார் ,வள்ளுவர் ,. .
.

அவரவர்களுக்கு உதிக்கும் எண்ணங்களை உதிர்த்து பதியுங்களேன்.

.
.

பசியூட்டி

2011-01-23T19:52:00.006+05:30

ஆழ்வார்பேட்டையில் ’தாய் ரெஸ்டாரண்ட்’டில் நான் ரசித்த பசியூட்டி[அதாங்க அப்பிடைசர்]

[இது டேபிள் மேட் படம்]
அழகான வடிவ பிளேட்டில் நாலைந்து பசலிக் கீரை இலைகள்,
வேர்கடலை [கடலை போடுபவர்கள் கடலையும் போடலாம்]
எலுமிச்சை துண்டுகள்,
இஞ்சி பொடியாக நறுக்கியது
த்ங்காயம் ,மன்னிக்கணும் .விலைவாசி ஏறியதில் வெங்காயம் தங்காயமாகி விட்டது
வெங்காயம் சிறு துண்டுகளாக்கியது.
சிவப்புமிளகாய்
தேங்காய் பொடியாக நறுக்கி , சிறிது வதக்கியது.

வெல்லக் கரைசல்
இத்தனை ஐட்டத்தையும் அளவாக எடுத்து ,பசலிக் கீரை இலையில் நடுவே அழகாக அமர்த்தி ,வெற்றிலை போல் சுருட்டி சுவைத்து பாருங்கள்.இது போல் ஒரு காம்பினேஷன் நம் உணவில் இது வரை கண்டதில்லை.
சூப்பர் போங்கள்.

[இது ரியல் ]

நானும் நோக்கினேன் ,என் நோக்கியாவையும் நோக்கச் சொன்னேன் .
நோக்கியாவும் நோக்கினான்..
உங்களையும் நோக்க வைக்கப் பதிவிடுகிறேன் .
உங்கள் நோக்கம் போல் நோக்குங்கள்.
பிறகு பின்னூட்டத்தில் போட்டுத் தாக்குங்கள்[சொல்லணுமா ]

'BENJARONG 'THAI RESTAURANT

No 146, T T K Road, Alwarpet, Chennai, 600018

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

திருநெல்வேலிக்கே அல்வா

2011-01-19T17:10:00.006+05:30

குண்டக்கா மண்டக்கா ,எடக்கு மடக்கு ,நக்கல் நையாண்டி ,இது போன்ற சிரிப்பும் சிந்தனையும் நிறைந்த ஹாஸ்ய அடுக்கு வரிசைகளில் ஆளை சாய்ப்பது எனக்கு பிடித்த விஷயம்
ஆனால் அதிலும் ஒரு தர்மம் கடைபிடிக்கணும்,
வீழ்ந்தவர் கூட விழுந்து விழுந்து சிரிக்கணும்.அவர் மனம் புண்பட்டிருக்ககூடாது .
சிரிக்கும் சிரிப்பில் விழியோரம் பளிச்சென கண்ணீர் துளி துளிர்க்கணும் .கன்னத்தில் வடிந்தால் அது துயரம் விழியோரம் வழிந்தால் அது சந்தோஷம்.
அது ஹாஸ்யம்.அது ,சென்ஸ் ஆஃப் ஹ்யூமர்.

இப்படியாக ஒரு ஹாஸ்ய வண்டி ஓட்டிக் கொண்டிருக்கிறேன்.அதன் சக்கரங்கள் , ஹாஸ்யம் ,சிரிப்பு.
அச்சாணி ,மனிதநேயம்
அப்ப்டியாக வண்டி ஓட்டிக் கொண்டிருக்கும் ஒரு நாளில் ,இப்படியான என்னையும் ,பட்டென்று சிரிக்க வைத்தார் ,என் அண்ணன் மகள் .
மேற்படி டெலிஃபோன் உரையாடல் [இது ,கனிமொழியும் இல்லை நிராடியாவும் இல்லை]

“....இன்றைக்கு வீட்டுக்கு விருந்தினர் வருகிறார்கள்...
“...என்னைக்குத்தான் வரலை....சொல்லு என்ன மெனு....”
வரிசையாக அடுக்கினார்...
ஃப்ரைட் ரைஸ்,குருமா சாம்பார்சாதம் தயிர்சாதம் தேங்காய் ரைஸ்,புதினா சட்னி,வடை...
...”நான் இங்கே மயங்கிக் கிடப்பது தெரியாமல் அடுக்கிக் கொண்டிருந்தார்

அரைகுறையாக விழித்தேன்...பொரியல் எதுக்கு பாக்கி வைக்கிறே அதையும் சேர்க்க வேண்டியதுதானே....

“

இருக்கே ..கதம்பப்பொரியல்...
அது என்ன கதம்பப் பொரியல் ?
பீன்ஸ் கேரட் முட்டைக் கோஸ் கலந்தா கதம்பம்.

”....ஆமா கதம்பத்தைக் கட்ட நாருக்கு எங்கே போவே?

அவரை மடக்கிய சந்தோஷத்தில் மிதந்து கொண்டிருந்தேன் .
ஒரு வினாடி கூட ஸ்விம் பண்ணியிருக்க மாட்டேன்,
அவர் சொன்ன பதிலில், அப்படியே உள்ளே மூழ்கி ....வெளியே வந்த
அடுத்த வினாடி ஹா ஹா என்று சிரித்து விட்டேன்

அப்படி என்ன சொன்னார்?

”அத்தை !
நார்தானே பீன்ஸிலிருந்து எடுத்துக் கொள்வேன்....”
இது எப்படி இருக்கு?

நம்ம ஒளவையார் ஆச்சி இருக்காங்களே,
”....சுட்ட பழம்னு ஒண்ணு இருக்கா முருகா என்று கேட்ட அடுத்த கொஞ்ச நேரத்தில் ,நாவல்பழத்தை ஊதி ஊதி சாப்பிடப் போகும் பொழுது.. "பழம் சுடுதா பாட்டி?" என்று கேட்டதில் பாட்டி சிலிர்த்துப் போனாளே .
கருங்காலிகட்டைக்கு நாணாத கோடாலி கதலித் தண்டுக்கு நாணியதே என்று உணர்ந்தாராம்
அதுபோல் நானும் ,

ஊருக்கெல்லாம் ,
அல்வா கொடுத்த எனக்கே ,
அல்வா கொடுத்த அண்ணன் மகளுக்கு,
ஒரு ஓ போட்டு முடிக்கிறேன்.
=====================================

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

நிலா நிலா சென்

2011-01-13T20:00:00.006+05:30

நாங்கள் ஊட்டியில் இருந்த சமயம்,1989ல் இவர் ஒரு படப் பிடிப்புக்காக வந்திருந்தார்..,
படப்பிடிப்பு குழுவினருக்காக ,அலுவலகம் ,எங்கள் வீட்டில் , மதிய உணவு ஏற்பாடு செய்திருந்தது.
இவர் யாரென்று எல்லோருக்கும் தெரியும்.
இந்த படத்துக்கு ,பார்த்திபன் ஸ்டைலில் ஒரு கவிதை
:
”சார் சார் மூன் மூன் சென் சார்...”
”நான் என்ன சன் சன் சென் னா சொன்னேன் ...”
”ஐயோ என்ன அழகா சாப்பிடுறாங்க சார்..”
”அதுக்கென்ன இப்போ..”
ஒரு கவிதை சொல்லட்டுமா சார்?
வேணான்னா விடவா போறே...

ஒரு நிலாவே

[எதுக்கு இத்தனை நிலாவே

ரெண்டு மூன் மூன் வருதே சார்]

ஒரு நிலாவே

நிலாச் சோறு

சாப்..ப்..பிடுகிறதே....

---------------------

பின்னீட்டே போ!!!

சார் சார் இன்னொரு கவிதை சார்
விட மாட்டியே சொல்லித் தொலை.

வட்ட நிலவு

முகத்திலே

இரண்டு கருப்பு நிலா

சுழல்...ல்..கிறதே...

சொல்ல மறக்கலாமா

படம் எடுத்தது நானுங்கோ.என்னோட கோடக் 110 கேமராவால் க்ளிக்கியது[

அந்த கேமராவுக்கு நாங்கள் சூட்டிய செல்லப் பெயர் ‘சப்பை கேமரா’

சூம் ..சூம் .சுதந்திரதேவி

2011-01-10T20:20:00.002+05:30

பாருங்கோ பாருங்கோ சுதந்திரதேவி சிலையை நானும் படமெடுத்துட்டேன்...

நான் நம்ப மாட்டேன் இப்போ இருக்ற மாடர்ன் டெக்னாலஜிலே நீ சென்னையிலே மொட்டை மாடியிலே நின்னு,
’சூ............ம் ’போட்டு எடுத்தாலும் எடுத்திருப்பே.....நீ அமெரிக்கா போனேன்னு சொன்னது செல்லாது செல்லாது ,நம்ப மாட்டேன்.

இப்படி சந்தேகப்பட்டா எப்படி?...
சரி இப்போ நம்ப முடியுதா...கீழே உள்ள படத்தை பாருங்க ,
...இதுக்கு சூ....ம் போடமுடியுமா...இப்பவாவது நம்பலாமா

இதையும் நம்பலேன்னா நான் என்ன்ன்ன்னங்க.....பண்றது

ஓவிய விமரிசனம்

2011-01-09T21:59:00.013+05:30

இந்த ஓவியத்தைப் பார்த்ததும் உங்கள் மனதில் தோன்றும் கருத்துக்களை,அவை எப்படி இருந்தாலும் எழுதுங்களேன்.
அனுப்ப வேண்டிய ஈமெயில் முகவரி
ngomathi.haasya-rasam@blogger.com
உங்கள் ,மேலான கருத்துக்குக் காத்திருக்கிறேன்
---------------------------------------------
முதல் விமரிசனம்
----------
யாதவன் சொல்கிறார்:
அருமையான ஓவியம்
விரக்தி கோபம் கொண்ட ஒரு மனது , அது குழப்பத்தில் உள்ள மனது அதற்க்கு தடைகள் அலது அங்கீகாரம் கிடைக்க வில்லை என்பதை உணர்துகின்றது இந்த ஓவியம்.

[உங்கள் கருத்தை பின்னூட்டத்திலும் சொல்லுங்கள்]

அருமையான ஓவியம் விரக்தி கோபம் கொண்ட ஒரு மனது , அது குழப்பத்தில் உள்ள மனது அதற்க்கு தடைகள் அலது அங்கீகாரம் கிடைக்க வில்லை என்பதை உணர்துகின்றது இந்த ஓவியம்
10 January 2011 05:03
ராமலக்ஷ்மி said...: வாழ்க்கைப் பக்கத்தில் நிறைய கேள்விகளை குறுக்குநெடுக்காக எழுப்பி, அவற்றிற்கு இவைதான் விடையா என பல வண்ணங்களில் பதில்களை மேல் வைத்து சிந்தனையில் ஆழ்ந்தாரோ ஓவியர்? அல்லது அப்படியான சிந்தனையில் ஆழ்கிறேனோ என் பார்வையில் நான்?
10 January 2011 11:20

Samudra said...: where is the painting???
10 January 2011 12:17

where is the painting???
10 January 2011 12:17
Chitra said...: வட்டத்துக்குள் சதுரம் என்பதை ஒரு புதிய கோணத்தில் - மாடர்ன் ஆர்ட் பார்வையில் - பாதி சதுரத்துக்குள் வட்டத்தை காட்டும் முயற்சி. ஹா,ஹா,ஹா,ஹா...
10 January 2011 14:14

================

உங்களுக்கு நன்றிங்கோ இந்த ஓவியத்தை வரைந்தது நான் தானுங்கோ. சுடோகு போர் அடிச்சாச்சு,,பிளாக் கொஞ்சம் இடைவெளி விட்டாச்சு,...அப்படி இப்படி என்று நின்ற வேளை ,எப்பொழுதோ வாங்கி வைத்திருந்த ஆயில் பெயிண்டிங்கை எடுத்தேன்.... சரட் சரட்....ஸ்வொய்ய்ய்ங் ஸ்வொய்ங்ன்னு ரெண்டு ஸ்ட்ரோக் ... படம் ரெடி அருமையான பின்னூட்டம் நன்றி
10 January 2011 21:45
goma said...: யாதவன் சொன்னது போல் பிரஷ் கையில் எடுத்த நேரம், மனக் குழப்பம் , கொஞ்சம் இருந்தது, பாதி முடியும் வேளை ராமலஷ்மி சொன்னது, சரி என்று சொல்லும் வண்ணம், கேள்விகளும் விடைகளும்மாக வட்டமடித்ததும் உண்மை. முக்கால் வாசி முடியும் சமயம் சமுத்ரா போல் ,எனக்கும் தோன்றியது இது பெயிண்டிங்கா...என்று படம் முடிந்தபின் வட்டங்களும் பார்த்தால்,சதுரங்களும் ”ஆஹாஹ்ஹஹாஹா” என்று சித்ரா போல் நானும் சிரித்து விட்டேன். விமரிசனம் அத்தனையும் டாப். யாதவன்,ராமலஷ்மி இருவரும் ஒருவருடைய மன ஓட்டத்தை அவர் கைவண்ணத்திலிருந்து அழகாக அறியும் திறமையைக் கொண்டுள்ளனர்

யாரைக்கேக்கணும்?

2011-01-05T16:38:00.008+05:30

வெங்காயம் விலை ஏறிக் கொண்டே போகிறதே?
அதற்கு முதல்வர் பதில்.
”அதுக்கு பெரியாரைத்தான் கேக்கணும்.
அப்படியா சங்கதி. ?அப்போ நாம் எந்தந்த விலைவாசி உயர்வுக்கு ,யார் யாரைக் கேக்கணும்னு பார்க்கலாமா?

இதோ ஒரு சின்ன லிஸ்ட்

முருங்கைக்காய் விலை எதுக்கு இப்படி ஏறுது?
முருங்கைக்காய்எகிறுதுன்னா ,அதை பாக்கியராஜ் கிட்டேதான் கேக்கணும்.எனக்கு எப்படித் தெரியும்?

வாழைப்பழம் வாங்க முடியலையே?
செந்தில் கிட்டே கேளுங்க..கவுண்டமணிகிட்டே கேளுங்க..அவங்க கிட்டே கேக்க வேண்டியதையெல்லாம் எங்கிட்டே கேட்டா எப்படி?

நாவல் பழம் யானை விலை குதிரை விலை விக்குது.?
ஒளவையார் அல்லது முருகன்கிட்டே கேளுங்க..அவர்தானே உலுக்கினார் ,இவர்தானே பொறுக்கினார்...
ஆமா! யானையும் குதிரையும் ,விலை கேக்ற அளவுக்கு வந்துட்டீங்களே அதை நினச்சு சந்தோஷப் படுங்க..

----
மாம்பழம் வாங்கமுடியலையே..
.
...அந்த பிள்ளையார் கிட்டேயிருந்து முருகனுக்கே வாங்கமுடியலை .என்ன..இருந்தாலும் உங்களுக்கு இந்த பேராசை கூடாது..

ஆகவே மக்களே!
இனிமேலாவது ,எது எதுக்கு யார் பொறுப்பு என்பதை ,அறிவோடு புரிந்து கொண்டு அழகாக சமாளிப்போம்.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

பொலிவுடன் வருக புத்தாண்டே

2011-01-01T08:27:00.004+05:30

எல்லோர்

இதயத்திலும்

இனிமை பொங்கட்டும்

விழிகளிலும்

ஒளி வீசட்டும்

மனதிலும்

தென்றல் தவழட்டும்

உதிரத்திலும்

உற்சாகம் புரளட்டும்

மூச்சிலும்

ஆனந்தம் நிரம்பட்டும்

பேச்சிலும்

கனிவு மிளிரட்டும்

எண்ணங்களும்

ஏற்றம் காணட்டும்

கரங்களில்

வெற்றி குவியட்டும்

இந்த

இனிய புத்தாண்டு

எல்லோருக்கும்

வளம் பெருக வரட்டும்

மகிழ்ச்சி பொங்க விளங்கட்டும்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

ரஜினி தெரிந்து கொள்ள வேண்டிய விஷயங்கள்

2010-12-18T17:37:00.004+05:30

எல்லோருக்கும் எல்லாம் தெரியும் என்று நம்ம ரஜினி கூட சொல்ல மாட்டார்.

அவர் ஒரு சூப்பர் ஸ்டாராக இருக்கலாம் .ஆனால் ,அவருக்கு தெரியாத விஷயமே இல்லை என்று அவரது ரசிகர்கள் நினைக்கக் கூடாது.
அவர் தெரிந்து கொள்ள வேண்டிய விஷயங்களும் எத்தனையோ இருக்கின்றன.
அவரது விசிறிகள் என் மீது அநாவசியமாகக் கோபம் கொள்ள வேண்டாம்.

இங்கே பாருங்கள்.நான் சொல்வது எத்தனை உண்மை என்று உங்களுக்கே புரியும்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

பூனைத்தூக்கம்

2010-12-06T23:08:00.005+05:30

ராத்திரியெல்லாம் சரியானத் தூக்கமே இல்லை
.நாளைக்கு

பென்ஸ் கார்லே படுத்துப் பாக்கணும்.

[அதிகாலை போட்டிக்கு இந்த படம் ஓகேவா.?]

”நான் முழிச்சாத்தான் பூலோகத்துக்கே வெளிச்சம்.”

[முதல் மாடி பால்கனியிலிருந்து ,நான் க்ளிக்கிய பூனை]

செம்மொழிப்பூங்கா

2010-12-05T16:36:00.003+05:30

செம்மொழிப்பூங்கா மக்களுக்காகத் திறந்துவிடும் நாளுக்காகக் காத்திருந்து மழை நாளில் சென்று எடுத்தபடங்கள் இவை.

இது ஒரு முன்னோட்டம்.

கூட்டம் இல்லை குழந்தைகள்
வரவில்லை எப்படி களை கட்டும் .

விரைவில் வெளிவருகிறது.

செம்மொழிப்பூங்கா ஆல்பம்
காணத்தவறாதீர்கள்
ஆஹ்ஹ்ஹா ஆஹ்ஹா.
ஆஹ்ஹ்ஹா ஆஹ்ஹா

பலருடைய விருப்பமான அன்றைய டிரைவ் இன் ஹோட்டல் ,ஜெமினி மேம்பாலம் அருகே இருந்தது .இன்று அது செம்மொழிப் பூங்காவாகப் புதுப் பொலிவுடன் மக்களைக் கவர்ந்து கொண்டிருக்கிறது.

டிஸ்னி பிள்ளையார்

2010-12-01T08:52:00.002+05:30

இங்கு அருள் பாலிக்கும் பிள்ளையார்,யூரோ டிஸ்னியில் ,டனல் ரயில் பிரயாணத்தில்,நான் எதிர்பார்க்காத சமயத்தில் எதிர் வந்த பிள்ளையார் இவர்.
அட!இவர் இங்கே எப்படி???!!!
என்னுடைய கேனன் 36 ஏம் அண்ட் ஷூட் என் மனமறிந்து கண் சிமிட்டியது .

ஓடு ரயிலின் ஆட்டத்தில், ஒருவினாடி கூட தாமதிக்காமல்,எடுத்துத் தந்தமைக்கு நன்றி.
இனி பிள்ளையாரிடம் ஒரு வேண்டுகோள்

மில்க் ஷேக்கும்

ஹனி க்யூபும்,

பீட்ஸாவும் பர்கரும்

இவை நாலும் தனித்தனியே

நான் உனக்குத் தருவேன்.

நீ எனக்கு

என் தேவை அறிந்து

தரவேண்டியவைகளைத்

தரவேண்டிய நேரத்தில் ,தா
[1993ல் எடுத்தேன் 2010ல் பகிர்ந்தேன்]
*******************************

நாட்டாமை தீர்ப்பை மாத்திச் சொல்லு

2010-11-27T11:20:00.004+05:30

ஆலமரத்தடியில் கிராமமே கூடியிருக்கிறது.சொம்பு,வெத்தலை துப்பலுக்கு ஜாடி,என்றும் சில சேடர்கள் என்றுமாக [சேடிகள் வைத்தால் ஏதாவது தப்பு தண்டா நடக்கலாம் .அதான் சேடர்கள்]

சாரட் வண்டி வந்து நிற்கிறது.
வண்டியிலிருந்து முதலில் ஒரு கால் மட்டும் தரையில் கால் வைக்கப்பட... ,கார் பானட் பம்ப்பர் மாதிரி, ராஜாகாலத்து செருப்பு அணிந்து தரையில் அவர் காலை வைத்ததும் பின்னணியில் ,
”ராசா காலை வச்சா...அது ராங்கா ....” பாடல் ஒலிக்க ,முழு உருவமும் வண்டியை விட்டு இறங்குகிறது.
அட நம்ம ...நம்ம நாட்டாமை!!!!!
நான் சொன்னது எப்படி அவர் காதில் விழுந்ததோ...

”எவண்டா அது ,நான் நாட்டாமைன்னு சொல்றது..அதை நான்தாண்டா சொல்லணும்..நீ என்னடா சொல்றது ?ஆமா! நான் ’NOT- ஆமை’தான்,நான் ஆமை இல்லைடா வெண்ண,எல்லாரையும் போல ,நானும்,
மனுஷண்டா!!
மனுஷண்டா !!!
மனுஷண்டா!!!!!!!”

சரி அது ஒரு பக்கம் இருக்கட்டும்.
வழிய வழிய சந்தனம்,தூக்கி முடிந்த கேசம்,10 விரலிலும் மோதிரம்,எல்கே எஸ் விளம்பரம் போல் சங்கிலிகள் என்று ரதகஜ து...து து ...[யாராவது முடிச்சு வையுங்களேன்.இதுகூட செய்ய மாட்டீர்களா?நான் தப்பா எழுதி ,கிடைச்சுதடா சான்ஸ்ன்னு பின்னூட்டமா அனுப்ப வேண்டியது.]எல்லா சகிதமாக , இறங்கி நடக்கிறார்.
ஆலமர மேடையில் அவர் அமரும் வரை ,வணங்கி நின்ற மக்களை அமரச் சொல்லி தானும் அமர...கோர்ட் துவங்கியது.
அழுதபடியே ஒரு பெண்.தன் புகாரை ,ஸ்டார்ட் பண்ணுகிறாள்
“ஐயா எசமானே...எண்ற புருஷனை ஒண்ற புள்ள அடிச்சு ஜெயில்லே போட்டுட்டாய்யா.....”
கேஸே தன்னை எதிர்த்து இருப்பதால் நாட்டாமை,தன் அங்கவஸ்திரத்தை எடுத்து மரக்கிளையில் மாட்டி விட்டு ,பக்கதில் உள்ளவரின் அங்கவஸ்திரத்தை போர்த்தியபடி வேறோரு நாட்டாமை ஸ்தானத்திலிருந்து கேஸை நடத்தத் துவங்கினார்.
”ஆரு பாத்தது ....சாட்சி இருக்கா...”
நா இருக்கேன்யா
நீ யாரு ?இந்த பொண்ணுக்கு நீ என்ன வேணும்...?
நான் அவளோட மச்சினங்கய்யா...
செல்லாது செல்லாது ..
நான் சொல்றேய்யா
நீ ஆரு...
அந்த மச்சினனோட தம்பிங்க
அதுவும் செல்லாது செல்லாது...
தாத்தா நா இருக்கேனே,இரண்டு வயசுச் சிறுவன் வந்து நிற்கிறான்
”ஆருடா செல்லம் நீயி...என்ன பாத்தே...?[ஆப்பு வச்சுடுவானோ..என்ற அச்சத்தோடு கேட்டார்]
”அந்த அண்ணனை இன்னொரு அண்ணன் எட்டி அடிச்சாரு ,கையெல்லாம் காயம்...வயித்திலே மிதிச்சாரு .வயித்தைபிடிச்சுட்டு ஓன்னு அழுதாரு,.அக்காவும் அழுதுட்டே ஓடி வந்தாங்க...என் ஊட்டுக்காரை விடு ன்னு.”கத்திட்டே இருந்தாங்க...அந்த அக்கா பாக்க,பாவமா இருந்தாங்க...”
பொடியன் நம்மை மாட்டி விடுவானோ என்ற அச்சம் முளைக்க ,நாட்டாமை பல முறை வெத்திலை சாறு துப்பினார்,இரண்டு முறை கொண்டையை முடிந்தார்,நாலு முறை தொண்டையைக் கனைத்தார்,என்ன தீர்ப்பு சொல்லலாம் என்று குழம்பினார்.
ஏண்டா கண்ணு எந்த அண்ணனை உனக்கு ரொம்பப் பிடிக்கும் கண்ணு..சொல்லுடா செல்லம்”.
அடிச்சாரே அந்த அண்ணனை எனக்கு பிடிக்கவே பிடிக்காது,,இன்னொரு அண்ணந்தான் எனக்கு சாக்லேட் எல்லாம் வாங்கிட்டு வருவார்...
”அப்படியா செல்லம்[என்னைக் காப்பாத்திட்டே செல்லம்!]....
இந்த சாட்சியும் செல்லாது செல்லாது,சாக்லேட் வாங்கிட்டு சாட்சி சொல்ல வந்த பச்சப் புள்ள...இந்த சாக்லேட் சாட்சி செல்லவே செல்லாது...
எண்றபுள்ள ஒண்ற ஊட்டுக்காரனை அடிச்சதுக்கு சாட்சி இல்ல....சாட்சியோட வா...அப்புறமா தீர்ப்பு சொல்றேன்....
கூட்டத்திலிருந்து ஒருவன், தூக்கக் கலக்கத்தோடு ..”நாட்டாம தீர்ப்பை மாத்திச் சொல்லு....”
”போடா வெண்ண இன்னும் தீர்ப்பே சொல்லலை....

எவண்டா அது ,அவனை இழுத்துக்கட்டுங்கடா...எண்ற மவன் வந்து வயித்திலேயே செமத்தியா நாலு மிதி மிதிப்பாண்டா.மிதிப்பாண்டா மிதிப்பாண்டா....”

எங்கேயோ தொடங்கி எதிலோ முடித்த ஆலமரப் பஞ்சாயத்து கலைய ,நாட்டாமை தப்பினோம் பிழைத்தோம் என்று சாரட்டை நோக்கி விரைந்தார்.

ஆனந்தவிகடனாரே நன்றி

2010-11-26T22:05:00.001+05:30

அப்பாடி இந்த ஆனந்தவிகடனுக்குள் நுழைவதற்குள் ..போதும் போதும் என்றாகி விட்டது.

என் விடா முயற்சிக்கு ஆனந்தவிகடன் தாத்தா,
வெற்றி முத்திரை காட்டிவிட்டார்.

மலரே மலரே

2010-11-25T23:20:00.004+05:30

கொட்டிவாக்கத்தில் உறவினர் வீட்டுக்குச் சென்று திரும்பும் பொழுது அங்கே தோட்டத்தில் ஒரு செடியின் ஒரு கிளையைக் கேட்டு வாங்கி வீட்டில் வைத்து வளர்த்தேன்.
அதன் முதல் மலர் இது.
அந்த இடத்தில் இருப்பதோ ஒரே ஒரு செடிதான்.அதுவும் ஒரு அங்குல உயரம் கூட இல்லாத சின்ன மலர்.
எப்படி இந்தச் சின்ன வண்டுக்குத் தெரிந்தது? உடனே தேன் எடுக்க வந்துவிட்டதே.

கொட்டிவாக்க மலர் இது ,தேனியைத் துரத்தினால் கொட்டிவிடப் போகிறது.
ஓசைப்படாமல் , ”க்ளிக்”செய்தேன்
இந்த மலருக்கு உறவினர் பெயரை வைத்திருக்கிறேன்.
இதுபோல் நிறைய உறவினர் ,தினமும் என்னை வாழ்த்திக்கொண்டிருக்கின்றனர் செடியில் பூக்கும் மலரின் வடிவில்.

ஒளியானாய்

2010-11-05T21:16:00.003+05:30

வழக்கம்போல் வாகனத்திலிருந்தபடியே ஒளியைப் பிடித்தேன்.

இறங்கி எடுக்க இயலாத நிலையில் ,வந்தவரை லாபம் ,என்று க்ளிக் பண்ணியது.[பாவம் நோகியா செல்ஃபோன் கேமராஎன்ன பண்ணும்].
அடுத்த கோவில் விழாவில் தவறாமல் கேனன் கேமரா கொண்டு நிதானமாக எடுக்க வேண்டும்

மறுபடியும் அனைவருக்கும் இனிய

தீபாவளி வாழ்த்துக்கள்

ஹேப்பி தீவாளி

2010-11-01T13:12:00.000+05:30

சிரிச்சு முடிச்சாச்சா?
இப்போ சிந்திக்க ஒரு விஷயம்

தீபாவளிப் பண்டிகைக்குப் புத்தாடை வாங்கியாச்சு
பட்சணம் செய்தாச்சு,
அஜீரணத்துக்கான லேகியம் கிண்டியாச்சு...
பட்டாசு வாங்கியாச்சு ...
முக்கியமான ஒன்று
இதோ மேலே காட்டிய பக்கெட்
அது நிறைய மணல் அல்லது தண்ணீர்..
தீ விபத்து ஏற்பட்டால் பரவாமல் தடுக்க
அத்தியாவசியமான உபகரணம் கைவசம் இருக்கட்டும்

ஆபத்தில்லா ஆனந்தமான தீபாவளி வாழ்த்துக்கள்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

என்னை வாழ்த்திய தேவதை

2010-10-18T19:31:00.007+05:30

தேவதை பத்திரிகையில் இந்த முறை என் ஹாஸ்ய-ரசம் வலைப்பூவை வாசகர்களுக்கு வழங்கியிருக்கிறார்கள்.

தேவதைக்கு நன்றி கூறிக்கொண்டு பதிவில் இடுகிறேன்

பத்திரிகையில் வெளியாகியிருக்கும் கதையை பதிவில் பார்க்க இங்கே சொடுக்கவும்
------------------------------------------------------------

ஹெட் லைட்டுக்கு ஹெல்மெட்

2010-10-14T00:08:00.003+05:30

அட நம்ம தலை போனாப் போகுது
வாகனத்துக்கு ஹெட்லைட் முக்கியம் இல்லையா....அதான் இப்படி.

[ஆழ்வார்பேட்டை வழியாகச் சென்றபோது எடுத்தது .
விரையும் வாகனங்களுக்கிடையே கவனமாக செல்ஃபோன் கேமாராவை பிடித்தபடி,கார் கண்ணாடியை இறக்கக் கூட நேரமில்லாமல் ,முடியாமல் க்ளிக் பண்ணினேன்]

பூவாய்மலர்ந்த பிள்ளையார்

2010-09-24T17:02:00.002+05:30

நான்,கணினியில்,’ பெயிண்ட் ’கற்றுக் கொண்ட பிறகு 29/3/04ல் நான் போட்ட , பிள்ளையார் சுழி, இந்த மலர் பிள்ளையார்.முதல் படம் அக்கா பெண் திருமணத் தாம்பூலப் பை,அடுத்தது,மும்பையில் பிளாஸ்டிக் மலர் கடை.
எல்லோரும் மலர்ந்த முகத்தோடு வணங்கி மகிழுங்கள்

வளர்ப்புப் பிராணி

2010-09-14T19:04:00.000+05:30

சாவி எங்கே?

இப்படியா மறக்க்றது...

நான் ரெடி...

காக்கும் கடவுள் கணபதி

2010-09-11T09:37:00.004+05:30

கணநாதனை வணங்கிடுவோம்
கவலைகள் அகலும் நம்பிடுவோம்.
தும்பிக்கையோனை போற்றிடுவோம்
நம்பிக்கை நிலைப்பதைக் கண்டிடுவோம்.
வேழமுகத்தினை வேண்டிடுவோம்
வேண்டியதெல்லாம் பெற்றிடுவோம்.

[படங்கள்:சிங்கபூர் ஜேட் தொழிற்சாலையில் வீற்றிருந்த நவரத்ன கணேஷ்.
மற்றது :பல ஆண்டுகளாக பாதுகாத்து வந்த கேலண்டர் கணபதி .
அடுத்த படம் :என் மகன் பள்ளிப் பருவத்தில் வரைந்தது]

பத்து வினாடியில் பதில் சொல்லுங்கள்

2010-08-10T07:08:00.000+05:30

இந்த படம் சென்னையில் எடுத்தது.
எடுத்த ஒரு சில நிமிடங்களிலேயே , படம் பிடித்த எனக்கே இது எங்கே எடுத்தேன் என்று யோசிக்க வைப்பது போல் வித்தியாசமாக அமைந்திருந்தது .
நீங்கள் கண்டு பிடியுங்கள்.உங்கள் நேரம் தொடங்குகிறது....
10
9
8
.......

பிட் போட்டி

2010-07-20T22:44:00.000+05:30

மயிலை சாயிபாபா கோவில்.

எல்லா மதமும் சம்மதமே

2010-07-16T12:21:00.001+05:30

மும்பை சித்தி விநாயகர் கோவில்

சிங்கை பாலாஜி கோயில்

சென்னை சாந்தோம் சர்ச்

ஹைதராபாத் சார்மினார்
-----------------------------------------
என் ஒய்ஃப், எல்லா மதமும் சம்மதமேன்னு வாழ்க்கை நடத்துவாங்க.
அப்படியா !!!ரொம்ப பரந்த மனசு....
எல்லா பண்டிகைக்கும் புதுப் புடவை எடுத்து கொண்டாடிவாங்க.

[படங்கள்:
க்ளிக்கியது நானே ]

மீட்டருக்கு மேலே கேட்டா

2010-07-16T07:16:00.000+05:30

ஹைதரபாத்தில் என்னைக் கவர்ந்த ஆட்டோ
..நான் கண் அயர்ந்தாலும் கேமரா கண் அயராது க்ளிக்கிக் கொண்டே இருந்த வேளை அது.

இது என்ன ஆட்டோவா?

பசுமைப் புரட்சிக்கான விளம்பர உக்தியா?

அம்மனோ சாமியோ என்று ஓடுகிறதே..!!!
என்று ,மண்டை காய்ந்த பின் ,கிடைத்த விடை .

மீட்டருக்கு மேலே போட்டுக் குடும்மான்னு கேட்டாலே, ஹைதராபாத் போக்குவரத்து நிர்வாகம் இப்படித்தான் தண்டிக்குமோ...என்று கணித்துக் கொண்டேன்.[எதற்கும் யாருக்கும்,அநியாயமாய் 'HIGH தரா-பாத்']

சென்னையில் இதை அமுல் படுத்தினால்,
நம்ம ஊர் ஒரு’ நகரும் தோட்டமாக’ப் பச்சைப் பசேல்தான்.

பிட் போட்டி-4

2010-07-15T14:10:00.001+05:30

மயிலாப்பூர் ராமகிருஷ்ண பரமஹம்சர் வழிபாட்டு மண்டபம்.ஆர்.கே.மட் சாலையில் அமைந்திருக்கிறது.

வழிபாட்டுத்தலம்-3

2010-07-14T16:30:00.004+05:30

மைலாப்பூர் கற்பகாம்பாள் கோவிலின் ,பிரகாரம் சுற்றிவரும் வேளையில் ,என் கேமராவும் கண் சிமிட்டி கண்சிமிட்டி கோபுர தரிசனம் செய்தது

7/12/08 ல் எடுத்த படங்கள்.
வானத்தில் மேகமே இல்லாமல் நீலத்திரை பின்னணியாக நிற்கும் வேளை காலை 10-11மணி அளவில் பிடித்தேன்.
இரண்டாவது படத்தின் அழகு வடிவம் ,ஏற்கனவே போட்டியில் வெல்லும் வரிசையில் நிற்கிறது.

---------------------------

வழிபாட்டுத்தலம்-பகுதி 2

2010-07-14T12:08:00.001+05:30

சிங்கப்பூரில் , நான் தரிசித்து ,வழிபட்ட தெய்வங்கள்

வழிபாட்டுத்தலம்-பகுதி 1

2010-07-14T09:08:00.006+05:30

ஆசையைக் கொன்று விடச் சொன்ன,[தாய்லாந்தில் பள்ளி கொண்டிருக்கும்] ,மகான் புத்தரை ,நான் ஆசையுடன் எடுத்த படங்களை ,நீங்கள் எல்லோரும் ரசிக்கவேண்டும் ,என்ற ஆசையுடன் பதிவிட்டிருக்கிறேன்

சிரிக்க வாங்கோ

2010-07-06T23:35:00.004+05:30

ஏய் !!அவனைப் பிடி....

உய்ய்ய்ய்ய்ய்[விசில்]

பைக்கர் வண்டியை நிறுத்துகிறார்.

ஐய்யா !!???***ஏட்டைய்யா!!!என்னையா நிறுத்தினீங்க...ஏ..ஏ..ஏ..ஏ..ன்?

என்னது !!!##நான் ஏட்டைய்யாவா...?.

இல்லையா பின்னே..

அப்படின்னா பீட்டைய்யா..
.
ஏய்!!!****

சரி சீட்டைய்யா..
..
டேய் இவனை நாலு தட்டு தட்டு

எதுக்க்கு...சரி ஆளை உடுங்க. டீட்டைய்யா..
.
சார் இவனை இப்படியே விட்டா இசட் வரைக்கும் போய் இசட்டைய்யான்னு சொல்லப் போறான்....பேசாம ஏட்டைய்யான்னே சொல்லட்டும் சார்.

ஆமா என்ன் இது?

என்ன எது?

மடிலே வச்சுட்டு டபுள்ஸ் போறியே அதைக் கேட்டேன்..

அதெல்லாம் உங்களுக்குத் தரமுடியாது...இது என் ஃப்ரெண்டுக்கு பெர்ர்ர்த்டே பொக்க்க்க்கே..நீங்க கேட்டா நான் தந்துடணுமா..எந்த சட்டத்திலே இருக்கு..இ.பி.கோ..சொல்லுங்க கேப்போம்...

ஆமா அதை ஏன் இப்படி மடியிலே வச்சுட்டு போறே ...ஆப்த்துன்னு தெரியாது..
.
இதிலே என்னய்யா ஆபத்து ...இது என்ன என்னோட கேர்ல் ஃப்ரெண்டா..வெறும் பூச்செண்டுதானே ...இது எப்படி ஆபத்தாகும்..
..
டேய் இவன் ரொம்பப் பேசுறான் முதுகிலே டின்னைக் கட்டு..
.
எதுக்கய்யா?...ரேஷனுக்குப் போகணுமா..?போறேன்...கெரசீனா,பாமாயிலா எது வாங்கிட்டு வரட்டும்.?
.
வாயை மூடிட்டு நான் கேக்றதுக்குப் பதில் சொல்லு...நீ எங்கேருந்து வரே..
.
[வாயை மூடியவாறு]ம் ம்ம்ம் ம்ம்ம்ம் ம்ம்ம்

வாயைத் துறந்து சொல்லுடா...

என்ன கேட்டீங்க ..வாய மூடினதிலே காதும் அடைச்சு போச்சு

நீ எங்கே இருந்து வரே....
.
இதையெல்லாமா காவல்துறை கேக்க ஆரம்பிச்சுருக்காங்க....
உங்களையே மாதிரியேதான் ஏட்டய்யா...நானும் அம்மா வயித்திலேருந்து வரேன்...
.
எவண்டா இவன்...இந்த பாடு படுத்துறான்...

நீ இப்போ எங்கேருந்து வரே...?
.
ஆங்!அப்படி தெள்ளத் தெளிவா கேக்கணும்...நான் இப்போ ,அங்கே இருந்து வரேன்....இங்கே இருந்து ,அங்கே போவேன்..அப்புறமா எங்கெங்கெல்லாமோ போவேன்...,
.
நான் குடுக்கிற உதையிலே நீ எங்கேயோ போகப் போறே...டேய் 897 இவனுக்கு லாடம் .கட்டு...
.
இது வேற சைடு பிசினஸா.?...நடத்துங்க நடத்துங்க .இது தெரிஞ்சா ஊர்லே எங்க பண்ணை மாடுகளையெல்லாம் ,இழுத்துட்டு வந்து சிக்னல் சிக்னலா கட்டி வச்சிருப்பேனே...நீங்களும் லாடம் கட்டி,கொம்புக்கு மேலே போட்டுக் குடுங்கன்னு கேட்டு பணம் பண்ணலாமே...
.
ஆமா இது என்ன புது ஹெல்மட்...லைட்டெல்லாம் மாட்டி வச்சிருக்கே..இந்த உச்சி வெயில்ல .எதுக்கு லைட்..ஏது இது..நிலக்கரி சுரங்கத்திலேருந்து லாவிட்டு வந்தியா...உள்ளே ஃபேன் வேற மாட்டி வச்சிருக்கியா...
.
லைட்டா ஹெல்மட்லேயா.....என்னய்யா சொல்றீங்க...

சரி விடு...ஆமா இந்த மாதிரி பொக்கே எல்லாம் இப்படியா கொண்டு போறது..போற வேகத்திலே இலை உன் மூக்குக்குள்ளே போச்சுன்னா முதல்ல தும்மல் போடுவியா அல்லது பிரேக் போடுவியா...
.
இது எம்.பி.ஏ ,.எம்.பி.பி.எஸ் ,நுழைவுப்பரிட்சை கேள்வி மாதிரி இருக்கே.....ரெண்டையும் சேர்த்து போடுவேன் ஐயா.
..
யோவ்!!!8....9..[நம்பர் மறந்து போக ].

7ன்யா.[பைக்கர் முடிக்கிறான்].

இவனை அனுப்பி வைப்பா...மண்டை காயுது....நல்ல கேஸ் புடிச்சேன்...

[அடையார் பாலத்தில் நான், நல்ல படம் புடிச்சேன்]

ஒரே ஒரு ஜோக் ,கம்முனு கிடங்க

2010-07-03T19:50:00.005+05:30

*******

#######

???????

மேலே மூணு லைனும் ,எள்ளும் கொள்ளும் வெடிப்பதை குறிக்கும் சிம்பல்கள்.
அவை வெடித்துச் சிதறும் முன் ,வாசித்து விடுங்கள்.

பஸ்ஸில் என் சக லேடீஸ் பிரயாணிகள் அனைவரும்
55ல் ஒருஇளநரை ,
63ல் ஒரு பாதி நரை,
69ல் ஒரு முழு நரை,
என்று ..அமர்ந்திருந்தனர்.

அவ்வளவுதான் அதுதான் அவருடைய முதல் ஜோக் .கமா போடாமல் முற்றுப் புள்ளிவைக்கப் பட்ட ஜோக்

இப்பொழுது சொல்லுங்கள் ,இவருக்கு நான் ஜோக் தடா போட்டது சரிதானே?

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

கனியிருக்கக் காய் கவர்ந்தற்று

2010-06-29T06:09:00.004+05:30

செம்மொழி மாநாட்டில் திரு எஸ்.வி.சேகர்,பட்டிமன்ற உரை.
--------------------------------------------------------------------------------------
மறைந்த தமிழ் வல்லுனர் திரு தென்கச்சிகோ சுவாமிநாதனை நினைவு கூறும் முகமாக ,அன்னாரது பேச்சிலிருந்து, ஒரு நிகழ்ச்சியை தன் நடையில் ,எடுத்துக் கூறினார்.அவ்வப்போது நாடகமேடையில் நிற்பதாக நினைத்தாரோ என்னவோ..ஒரு ஜோக் முடிந்ததும் ,எல்லோரும் சிரிக்க டைமிங் வழங்கினார்.
இதைத்தான் ,காமெடியில் டைமிங் ரொம்ப முக்கியம்னு சொல்றாங்களோ?
சரி விஷயத்துக்கு வருவோம்.
சுவாமிநாதன் அவர்கள் அவரது அனுபவங்களிலிருந்து எத்தனையோ நல்ல நல்ல விஷயங்களை அனைவரிடமும் பகிர்ந்து வந்தவர்.ஆனால் பொதுக்கூட்டத்தில் அதுவும் செம்மொழி மாநாட்டில் எஸ்.வி.சேகர் ,சுவாமிநாதனின் பேச்சிலிருந்து எடுத்துச் சொன்ன விஷயம் எனக்கு ரசிக்க முடியாமல் அமைந்திருந்தது.
மாநாட்டில் நிற்பதை மறந்தவர் போல்,தன் நாடக மேடையில் வலம் வருவதான எண்ணத்தோடு,பேசியது போலிருந்தது.என்ன ஒரு வித்தியாசம்,10 நிமிஷத்துக்கு ஒரு டி-ஷர்ட் மாற்றவில்லை அவ்வளவுதான்.

அவர் மேற்கோள் காட்டிய நிகழ்ச்சி இது.

தென்கச்சிகோசுவாமிநாதன் ,அயல் நாடு சென்றிருந்த சமயம்,கடை வீதியில் ஒரு அறிவிப்பு,”ஒரு மணிநேரத்தில் 5 கிலோ எடை குறைய வேண்டுமா?25 டாலர் “
என்றிருந்த ,விளம்பரத்தைப் பார்த்து ,என்னதான் பார்க்கலாமே என்று 25 டாலர் கொடுத்து உள்ளே போனாராம்.
உள்ளே ஒரு அழகிய பெண் நின்று கொண்டிருந்தாள்,பயிற்சி விதிப்படி,ரெடி என்றதும் அவர்,பெண்ணைத் துரத்த ஆரம்பிக்க ,ஒருமணி நேரம் பயிற்சி முடிந்து வெளியே வந்தார்.
வந்த பிறகு ,50 டாலருக்கு 10 கிலோ குறையும் என்ற வரிகள் ,இவரை மறுபடியும் ,உள்ளே வரவழைத்தது...இந்த முறை வயதான ஒரு பாட்டி நின்று கொண்டிருந்தாள்.
இதில் பாட்டி இவரைத் துரத்தவேண்டும்......
மறைந்த தமிழ் பேச்சாளரை ,மாநாட்டில் ,அவரது நல்ல பல அனுபவங்களை எடுத்துச் சொல்லி அவரை நினைவு கூர்ந்திருக்கலாம்

இதுதான் எஸ்.வி.சேகர் சேகரித்த நல்ல மேற்கோள்....
இதில் விரசம் இல்லைதான் இருந்தாலும் உலகமே திசை திருப்பிவிடப்பட்ட ஒரு மாநாட்டில் இந்த செய்திக்கு முக்கியத்துவம் கொடுத்தது, என்னால் ஏற்றுக் கொள்ள முடியவில்லை.
நகைச்சுவை ,எப்படி அமைந்திருக்க வேண்டும் ,எங்கே என்ன சொல்ல வேண்டும் சொல்லக் கூடாது என்பதற்கு இவரது அன்றைய பேச்சு வழி காட்டியது.
நீங்கள் என்ன நினைக்கிறீர்கள்?
------------------------------------------
தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

சிரிப் ஒரு சிரப்

2010-06-24T20:17:00.004+05:30

செந்திலைக் கேளுங்கள்:

கேள்வி பதில் பகுதியை, இந்த வாரம் திரு செந்தில் ஏற்றிருக்கிறார்.

-------------

செந்தில் சார்!எங்க வீட்டிலே எல்லோருக்கும் ,இந்த ஈகோ ,ரொம்ப ஜாஸ்தியா இருக்கு.....என்ன பண்ணலாம்?

ஹி ஹி சந்தோஷப்படுங்க....வீட்டிலே எல்லோரும்” ஈ-கோ ,ஈ-கோ” ன்னு சொல்லிட்டே நடமாடிட்டு இருந்தா....வீட்லே ஒரு ஈ இருக்காது ... மருந்தும் இல்லாம ,மாயமும் இல்லாம ,

ஈயெல்லாம்

கோயே கோச்சு,,

கோயிந்தே .........

இட்ஸ்கோன்....

எங்க வீட்லே ஈ தொல்லை ஜாஸ்தியா இருக்கு என்ன செய்றது செந்திலண்ணே?

உங்க வீட்டிலே யாருக்கும் ஈகோ இல்லைன்னா ,இன்னொரு வழி சொல்றேன்

.ஒரு க்ளீன் கிளாசை எடுங்க....அதிலே 30டிகிரி சுடு தண்ணி ஊத்திக்கணும்[நாஞ்சிலாரே இது சுடு தண்ணீர்] நிரப்பிக்கோங்க ,அதில் ரெண்டு டீஸ்பூன்..

ஈனோவைக் கலந்துட்டு ஈநோ ஈநோன்னு சொல்லிட்டே,

வீடு முழுக்க தெளிச்சீங்கன்னா

ஈ-நோதான்

நோ ஈதான்.

என்னோட அத்தான் எப்பப் பார்த்தாலும் வீட்டிலேயே இருக்க மாட்டேங்கிறார்,அவரை வீட்டிலே உக்கார வைக்க ஒரு வழி சொல்லுங்களேன்

நேரா கோயம் பேடு மார்க்கெட்டுக்குப் போங்க....ஒரு கட்டு கீரை வாங்கி வந்து ,ஒரு நாள் சூப்,ஒரு நாள் மசியல்,ஒரு நாள்கூட்டுன்னு செஞ்சு சாப்பிட வையுங்க ...அப்புறம் பாருங்க வீடே கதின்னு உங்க அத்தான் முடங்கிக் கிடப்பாரு."

அது என்ன கீரைன்னு சொல்லவே இல்லையே.!!!!

"முடக்-கத்தான் கீரை."

”அடுத்த கேள்வியை, யாரு கேக்கப் போறா ”என்றவாறு நிமிர்ந்த செந்திலின் தலைக்கு மேலே ,பூரிக்கட்டை,துடப்பம்,முறம் என்று வட்டமடித்துக் கொண்டிருக்க ,வாழைப்பழம் போல் நழுவி ஓடுகிறார்.

யாருக்காவது கேள்வியோ சந்தேகங்களோ இருந்தால் கேளுங்களேன்.

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

கோமாதா எங்கள் குல மாதா

2010-06-23T21:07:00.002+05:30

ஆஹா என்ன அறிவு,!!!!!

பிராணிகளுக்கு ஐந்தறிவு என்று சொன்னது யாராக இருக்கும்..????

தாகம் தீர்க்கத் ..தண்ணீர் அடிக்கும் மாடு பார்த்திருக்கிறீர்களா?

என் தோழி பத்மினிவைத்தியநாதன் அனுப்பிய ஃபார்வர்ட் மெசேஜ் இது.

இங்கே தட்டவும்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

கொஞ்சம் சிரிச்சுக்கணும்..

2010-06-16T13:58:00.001+05:30

அவன் கிட்டே 100 தடவை சொன்னா கூட சட்டையே பண்ண மாட்டான்
யாரு???

வேற யாரு ,நம்ம டெய்லர்தான்.
---------------
அரைக்கீரை வேணுமா?
வேண்டாம் கட்டோட பிடிக்காது
கட்டு பிரிச்சு தரேன் வாங்கு தாயி!
---------------------------
என்னது உன் வீட்டுக்காரருக்கு தோசையே பிடிக்காதா!!!!??
ஆமா.சுட்டுப் போட்டாலும் சாப்பிட மாட்டார்
-----------------
என்னப்பா இந்த புடவைக்கு இந்த விலை சொல்றே கொஞ்சம் குறைச்சு சொல்லு
கட்டாதுங்க..
என் வீட்டுக்காரி கட்டாதுன்னு உனக்கு எப்படித் தெரியும் அதெல்லாம் கட்டுவாங்க.
------------------------
படம் .உபயம் ஹ்யூமர் கிளப்

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

அப்பல்லோவில் உதித்தவை

2010-06-07T22:26:00.005+05:30

எண்டோஸ்கோப் பண்ணிட்டு எங்கே போனே
ஹாரஸ்கோப் பார்க்கப் போனேன்

டாக்டர்:
நீங்க எங்களோட ,நல்ல கோஆப்ரேஷன் பண்ணனும்
பேஷண்ட் :
நீங்க ஆப்ரேஷன் பண்ணும் போது நான் கோ ஆப்ரேஷன் பண்ண மாட்டேனா.?

”பி பாசிட்டிவ் பி பாசிட்டிவ்னு எல்லோரும் சொல்றாங்களே...பி நெகடிவ்ன்னு இருந்தாத்தான் சந்தோஷம்.”
”அது எப்படி?”
”பிளட் டெஸ்ட்,எல்லாம் நெகடிவ்னு வந்தா சந்தோஷம்தானே!!!”

டாக்டர்:
உங்க மூக்கு வழியா மைன்யூட் கேமராவை செலுத்தி, உங்க லங்ஸ்லே என்ன பிரச்சனைன்னு படம் எடுத்துப் பார்ப்போம்.
ஃபோட்டோகிராஃபர்:
டாக்டர் !எனக்கு லாங் ஷாட் எடுக்றது பிடிக்கும் லங் ஷாட்
எடுத்ததே இல்லை.

123

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

ஆட்டோ ஆறுமுகம்

2010-05-24T08:35:00.002+05:30

கலிஃபோர்னியா தமிழ் கழகம் இந்த ஆண்டு அரங்கேற்றிய

ஆட்டோ ஆறுமுகம் நாடகத்தின் லிங்க் இங்கே.

ஆறுமுகமும் அவன் மனைவியும் குலுக்கல் முறையில் தேர்ந்தெடுக்கப்பட்டு அமெரிக்கா செல்கிறார்கள்.ஆட்டோகாரர்ன்னா குலுக்கல் முறையில் பரிசு கிடைத்தது பொருத்தம்தானே
அதன் அடிப்படையில் அமைந்த ஹாஸ்ய நீரோட்டம்

[472]

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

அலசல்

2010-05-21T09:46:00.001+05:30

குஷ்பு ஜாக்பாட் நிகழ்ச்சியிலிருந்து நீக்கம்
அதுக்கென்ன.....அதைவிட பெரிய ஜாக்பாட் அடிச்சிருக்காரே
-----------
கலைக்கல்லூரி,அறிவியல் கல்லூரிகளில் காலி பென்ச் அதிகம் காணப்படுகின்றன.

ரொம்ப நல்லதா போச்சு காலி பென்ச் எல்லாத்தையும் பொறியியல் கல்லூரிக்கு மாத்திட்டா போச்சு.அங்கேதானே இடம் கிடைக்காமல் மாணவர்கள் திண்டாடுகிறார்கள்
-----------------------
யோசிக்கவேண்டிய விஷயம்.

இந்த ஆண்டும் ,மாணவர்களை விட மாணவிகள்தான் ,அதிகமாகத் தேர்வில் வெற்றி பெற்றிருக்கிறார்கள்

பெற்றோரில் 90 % பேர், தத்தம் எதிர்காலக் கனவுகளை ,மாணவிகள் மீது , சுமையாக ஏற்றுவதில்லை.
அந்த ஒரு நல்ல காரணமே மாணவிகளை மன இறுக்கம் இல்லாத சூழ்நிலையில் உற்சாகப் படுத்துகிறது
--------------------------------------
தங்கத்தின் விலை நேற்றை விட பவுனுக்கு 125 ரூபாய் அதிகரிப்பு.

ஆஹா!
ஏற்கனவே, என்னிடம் இருக்கும் தங்கத்தின் மதிப்பும் அதிகரிக்கிறதே.
[இப்படி நினைத்தால் சந்தோஷத்தின் மதிப்பும் கூடும்தானே]
------------------------
சின்னி ஜெயந்த் தான் வளர்த்த நாய் ,பெயர் ஸ்பார்க்[வோடஃபோன் பக் வகையைச் சேர்ந்தது]
காணாமல் போய் கிடைத்துவிட்டது.
சின்னி, வோடஃபோன் கனெக்‌ஷன் வைத்திருக்கவில்லையென்று கோபத்தில் ஓடியிருக்குமோ.
தன்னுடைய ’பக்’ காணாமல் போனதிலிருந்து பக் பக் என்று இருந்திருப்பார்.பாவம்
---------------
வோடஃபோன் நாய் ஏன் இப்படி ஓடிட்டே இருக்கு ?

அது ஓடஃபோன் நாய் ஆச்சே!!!!
------------------
[262]
தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்

அக்‌ஷ்ய திருதி நான்ஸ்டிக் கடாய்

2010-05-18T16:47:00.002+05:30

மாணிக்கம் தன் பாத்திரக் கடையில் பாவம்போல் அமர்ந்திருந்தார்.அவர் ’ரொம்பவும் நம்பிக்கையோடு வாங்கி வந்திருந்த ஒரு லோடு ,’நான் ஸ்டிக் கடாய்’ சீந்துவார் யாருமின்றி கிடந்தன .அதைப் பார்த்துப் பார்த்து மாணிக்கம் கண்ணீர்வடிக்காத குறையாக அமர்ந்திருந்தார்.

கல்யாணத்துக்கு நிற்கும் பெண்களைப் பார்த்து வாடி நிற்கும் அப்பா மாதிரி சோகமாய் தெரிந்தார்.

அப்பொழுது அவருடைய ஆத்ம நண்பன் நல்லகண்ணு ,அங்கே வந்தார் .நண்பனைப் பார்த்து பதறியபடி,

“...என்ன்ப்பா இப்படி ஒடிஞ்சு போய் கிடக்கே ...என்ன ஆச்சு..”

“நீயே பாரு நல்லு, கல்கத்தா போன இடத்திலே ,புதுசா இந்த நான்ஸ்டிக் கடாய் மார்க்கெட்டுக்கு வந்திருக்கு ..,நல்ல சேல் ஆகுது அவன் சொன்னதைக் கேட்டு ஒரு லட்சம் போட்டு வாங்கிட்டேன் ...வந்து இறக்கி மாசக் கணக்காயிடுச்சு இது வரை ஒரு பாத்திரம் கூட போணியாகலை ...
ஏதோ புது டிசைனா குக் அண்ட் சர்வ் பாணியில் வந்திருக்கேன்னு வாங்கினேன்,நம்ம பக்கம் இந்த மாடல் இன்னும் வரலை..பேரு கூட என்னமோ சொன்னானே..’ டேபிள் ஜெம்’..இந்த ஜெம் ,நான் வாங்கின விலைக்குப் போனா கூட சந்தோஷமா கொடுக்க தயாரா இருக்கேன் ...நீதான் வழி சொல்லணும்...”

”...அடப் பாவி இதுக்கு போயா இப்படி இடிஞ்சி போய் உக்காந்திருக்கே....நீ ஒண்ணும் கவலைப் படாதே , இன்னும் பத்தே நாள்லே உன் பாத்திரம் அத்தனையும் வித்துக் காட்டலை என் பெயரை மாத்திக்கிறேன்”

”எப்படி மாத்திக்குவே ?கெட்டகண்ணுன்னா?”

”இதுக்கொண்ணும் குறைச்சல் இல்லை.....நான் வரேன் ....”

நல்லு வந்து போய் ரெண்டு நாள் கழித்து.....

காலை தினசரியை விரித்தார் மாணிக்கம்..அதில் ,முதல் பக்கத்தில் கொட்டை எழுத்தில் ,

”அக்‌ஷ்யதிருதி நான்ஸ்டிக் க்டாய் வாங்கி தத்தம் கணவரின் சகோதரிகளுக்குப் பரிசளித்தால் இல்லத்தில் சுபிட்சம் ஓங்கும்.....
.
..விவரம் ஐந்தாம் பக்கம்...”விளம்பரத்தை வாசித்த மாணிக்கம் ஸ்தம்பித்துப் போனார்....மடமடவென்று ஐந்தாம் பக்கம் திருப்பினார்.

“அக்‌ஷ்யதிருதி நான்ஸ்டிக் கடாய் என்று தலைப்பிட்டு கீழ்கண்ட விவரம் பிரசுரமாயிருந்தது.

“.....அதாகப் பட்டது,

நளனும் தமயந்தியும் மறுபடியும் ஒன்றாக சேர்ந்த பிறகு ,சகல செளகரியங்களோடும் செல்வச் செழிப்போடும் வாழ்க்கையை இனிதே நடத்தி வந்தார்கள்.

நளனும் தமயந்திக்காக தன் சமையல் திறமைகள் அனைத்தயும் வீணாக்காமல் 30 வகை கீரை கூட்டு,30 வகை காரக்கறி என்று மாதா மாதம் அசத்திக் கொண்டிருந்த வேளை தமயந்திக்கு நளன் சமையல் அலுத்து விடவே ,இனிமேல் தானே சமையல் வேலையை ஏற்றுக் கொள்ள வேண்டும், நளனிடமிருந்து,உரிமையைக் கைப்பற்ற வேண்டும் என்ற [விபரீத]ஆசை உண்டானது

ஒரு நாள் தமயந்தி ,மெதுவாக தயக்கத்துடன் நளனிடம் வந்து..

.”..நள்ஸ்...!” என்றாள்

” என்ன தமா?என்ன வேண்டும் ....என்ன யோசிக்கிறாய் ..என்னிடம் ஏன் இந்தத் தயக்கம்...”

” நள்ஸ் நாம் நட்ட நடு கானகத்தில் தவித்துக் கொண்டிருந்த வேளை....நீங்கள் மட்டும் தப்பித்தோம் பிழைத்தோம், என்று என் துப்பட்டாவின் ஒரு பாதியைக் கிழித்துக் கொண்டு என்னை தனியாளாக்கிவிட்டு ஓடிப் போனீரே நினைவிருக்கிறதா...நாதா .”

”மறப்பேனா நாதி!?அதையெல்லாம் ஏன் தமா நினைவு படுத்துகிறாய் ..ஏதோ நம் ”கெட்ட காலம்...அப்படி பண்ண வேண்டியதாய் போய் விட்டது....

சரி அதை விடுங்கள்...நாம் ஒன்று சேர்ந்த பிறகு எனக்கொரு வரம் தந்தீர்களே ...அதையும் மறந்து விட வேண்டுமா ....”

”......வரமா நானா...என்ன வரம் ,!!!!!!!புதிய துப்பட்டா வாங்கித் தருகிறேன் என்று வாக்களித்திருந்தேனா?

“...பார்த்தீர்களா பார்த்தீர்களா அதற்குள் மறந்து விட்டிர்களே..

அதுசரி......

.நீங்கள் என்ன எனக்குத் துப்பட்டா வாங்கித் தருவது ?

நானே 50,000 வர்ண துப்பட்டாவை ஜேயெம்கேவியில் வாங்கி மாமாங்கம் ஆகிவிட்டது பிரபோ...

...உங்கள் மானத்தைக் காக்க என் துப்பட்டாவைக் கிழித்து எடுத்துச் சென்றீரே அதற்கு நன்றி நவிலும் பொருட்டு எனக்கு ஒரு வரம் தந்தீர் ...நானும் பிறகு கேட்டு வாங்கிக் கொள்கிறேன் என்று சொல்லி விட்டேன்....அது ஒன்றும், எக்ஸ்பயர் ஆகி விடவில்லையே...நளா!?”

”ஆங்...கண்ணே! இப்பொழுது நினைவுக்கு வந்து விட்டது கண்ணே ...சரி கேள் உனக்கு என்ன வேண்டும்.கணவன் மனைவிக்குள் என்ன எக்ஸ்பயரி ஒய்பயரி எல்லாம் கிடையாது செல்லமே...”

பாவம் நளன் ,தமயந்தி வரத்தைச் சொன்னதும் தானும் தசரதன் போல் ஆடிப் போய் விடுவோம் என்பதை அறியாமல் தெனா வெட்டாய் மன்னிக்கவும் அலட்சியமாய் நின்று கொண்டிருந்தான்.

தமயந்தி கொஞ்சம் தயங்கி நிற்பதைப் பார்த்து நளன் தைரியமூட்டினான்...

”...தமாகுட்டி,என் செல்லமே! என்னிடம் என்ன தயக்கம் ,உன் விருப்பத்தைப் பூர்த்திசெய்வதைவிட எனக்கு என்ன பாக்யம் இருக்க முடியும்....”தமய்ந்தியின் உச்சந்தலையை வருடிய படி சொன்னான்

அவன் எதிர்பார்க்காத ஒரு பேர் இடி ,அவன் உச்சந்தலையில் நச்சென்று விழ இருக்கிறது என்பதை அறியாமல் தமயந்தியின் வாய் மலரக் காத்திருந்தான்

“சொன்ன பிறகு ஜகா வாங்கக் கூடாது......”

“ஜகாவா..அப்படியென்றால்.....”

“..பின் வாங்கக் கூடாது என்று அர்த்தம் ....”

“..இதற்குத்தான் படித்து படித்து சொல்லியிருக்கிறேன் ..’2009.தமிழ்.காம்’பிளாகிலெல்லாம் மேயாதே என்று ,இப்பொழுது பார் உன் மொழி ..புரியும்முன் என் விழி பிதுங்குகிறது,சரி சரி உன் வரத்தைக் கேள் கண்ணே”

”...நள்ஸ் இனிமேல் நீங்கள் ஆக்குப்பறைக்குள் நுழையக்கூடாது இனிமேல் சமையல் வேலை எங்கள் கையில்....”

அவள் சொல்லி முடிக்கவில்லை நளன் ,சிலிண்டர் வெடித்து அவன் தலையில் விழுந்தாற்போல் ,கதிகலங்கி அயோத்திமன்னனை விட அதிகப் படியாகவே அதிர்ச்சி உற்றவனாகத் தரையில் சாய்ந்தான்.

தமயந்தியும் என்ன ஆனாலும் இவர் கையிலிருந்து சமையல் மகுடத்தைப் பெற்றே ஆகவேண்டும் என்ற வைராக்கியத்தோடு....முகத்தில் தண்ணீர் தெளித்து ,விசிறி கொண்டு வீசி அருந்த பழரசம் மயக்கம் தெளிய சூரணம் தந்து ஆசுவாசப் படுத்தினாள்.

நளனும் மயங்கியவாறு கிடந்தால் இவள் அனுதாபம் கொண்டு விட்டு விடுவாள் என்ற நப்பாசையோடு கிடந்தவன் ,

தமயந்தி ,”நள்ஸ் வரம் வேண்டாம் நீங்கள் விழித்தால் போதும் “என்று சொல்வதற்கு எந்த அறிகுறியும் கிட்டாததால்

மெதுவாக ஓரக் கண் விழித்துப் பார்த்தான்...

“.....தமா செல்லமே என்ன இது கொடுமை....என் உயிரைக் கேட்டாலும் தந்திருப்பேனே .....”

“..அதை வைத்து எனக்கு என்ன ஆகப் போகிறது...நள்ஸ்...?நான் கேட்டதை தாமதிக்காமல் தாருங்கள்..”

“கண்ணே உனக்கு நான் என்ன குறைவைத்தேன்ஃப்யூட்ச்சர் டாட் ஃபூட் டாட் காமில் தேடித்தேடி உனக்காக பீட்சா,பாவ்பாஜி,நூடில்ஸ் என்று வகை வகையாய் செய்து ஜமாய்க்கவில்லையா....”

“...நீங்கள் ஜமாய்த்தது போதும் இனிமே நான் ஜமாய்க்கிறேன்...இன்னும் 15 மணித்துளிக்குள் நான் கேட்ட வரத்தைத் தந்து சமையல் உரிமையை சகல சம்பிரதாயத்துடன் என் வசம் ஒப்படைக்க வேண்டும் இல்லையென்றால் நான் இன்றிலிருந்து உண்ணாவிரதம் அனுசரிப்பேன். இது உறுதி...”

வெட்டு ஒன்று துண்டு ரெண்டாகக் கூறி தமயந்தி விருட்டென்று அறையை விட்டு அகன்றாள்.

நளனும் வேண்டா வெறுப்பாக சொல்லொணா வேதனையுடன் தன் வரத்தை வழங்க ஏற்பாடுகள் செய்தான்.

அதற்குமுன் சமையலறைக்குள் நுழைந்து, அடுப்பு கொதிகலன்,அண்டா,ஐந்தரைப்பெட்டி,

கரண்டி மாட்டிகள்,அளவுக் கிண்ணங்கள் என்று ஒவ்வொன்றாக ஆசை ஆசையாகத் தொட்டுத் தடவி பார்த்து கண்ணீர் வடிய பிரியா விடை பெற்றுக் கொள்ளும் பாவனையில் மானசீகமாக அணைத்துக் கொண்டான்.

வழியும் கண்ணிரோடு வெங்காயத்தைப் பார்த்தான் ..”என் அழுகைக்கு நீ காரணம் இல்லை ...”என்று கூறிகொண்டே

ஒரு பெரிய தாம்பாளத்தை எடுத்தான் அதில் ஒரு படி அரிசியைப் பரத்தினான்.அதற்கு மேலே, ஒவ்வொரு நவதானியங்களிலும் மாணிப்படி எடுத்து அதன் மேல் கார்னிஷ் பண்ணுவது போல் பரவலாக வைத்து,காய்கறிகள் பழங்கள் [ஒவ்வொரு உயிரினங்களிலும் ஒரு ஜோடி என்று நோவா படகில் ஏற்றியது போல் ]கரண்டி கத்தி,இடுக்கி ...என்று அனைத்தையும் கலை அழகோடு நிரப்பினான்.

நா தழு தழுக்க ,”...த...மா!என்று அழைத்தான் .தமயந்தியும் எதிர்காலத்தில் பெண்கள் சமுதாயமே தன்னை திட்டித் தீர்க்கப் போகிறார்கள் என்பதை உணராமல் குதித்தோடி வந்தாள்.

”... ஐப்பசி மாதம் [உணவு சம்பந்தமான விஷயம் என்பதால் .ஐப்..பசி மாதம் பொறுத்தமாக அமைந்ததும் பொறுத்தமே!!!]நாலாம் பிறையில் சுக்ல பட்சத்தில் இரண்டாம் நாளிகையில் நல்ல உச்ச எமகண்டத்தில் நட்ட நடு ராகு காலத்தில்..வடதென்கீழ்மேற்கு சூலம் சேர்ந்த நன்னாளில்...

நளனாகி நான், ஆண் வர்க்கத்துக்கு மட்டுமே உரித்தானதாக நான் கருதி ,இது நாள் வரை என் வசம் இருந்து வந்த சமையல் நிபுணத்துவம் உரிமை விருப்பம் அனைத்தையும் தமயந்தி வசம் என் சுய விருப்பமின்றிசுயபுத்தின்றி மிகுந்த மனவேதனையுடன் ஒப்படைக்கிறேன் ”..

என்று கூறி அவள் கரங்களில் தாம்பாளத்தை தந்து ஏப்ரானை வேண்டா வெறுப்பாக அவளுக்கு அரைகுறையாக அணிவித்து ,தலையில், வெண்தலைப்பாகை சூட்டி , தாரை வார்த்துத் தருவது போல் தந்தபின் ,தடால் என்று தரையில் அமர்ந்து விட்டான்.

மேற்சொன்ன ஐப்பசி நன்னாளில் ,மங்கயர் அனைவரும் ’ தமயந்தி வரம் ’பூர்த்தியான புராணத்தை வாசித்து நான் ஸ்டிக் பாத்திரம் ஒன்றை தத்தம் கணவன்மார்களின் உடன் பிறந்த சகோதரிகளுக்குப் பரிசாக அளித்தால் இல்லத்தில் சுபிட்சம் தாண்டவமாடும்.

மேற்சொன்ன பாத்திரம் குக் அண்ட் சர்வ் என்ற வகையில் டேபிள் ஜெம் என்ற பெயரோடு , நளனின் பாத்திரமே , மறுபிறவி எடுத்தாற்போல் அமைந்திருக்கும் இந்த, அக்‌ஷ்யதிருதிருதி பாத்திரம்’ ,கிடைக்கும் இடம் ......

-------

சோழ பஜார்

சென்னை -76

------------------------------

மாணிக்கம் , செய்தித் தாளை கடாசி விட்டு சோழபஜார் நோக்கி விரைந்தார் ...அங்கே பாண்டிபஜார் இடம் பெய்ர்ந்தாற்போல் அவர் கடைக்கு எதிரே கூட்டம் அலை மோதிக் கொண்டிருந்தது.அவர் தோளில் ஒரு கை விழவே திரும்பிப் பார்த்தார் நல்லகண்ணு கண்ணைச் சிமிட்டியவாறு நின்று கொண்டிருந்தார்.

---------------------------------------------------------

இது ஒரு மறுபதிவு.
சென்ற ஆண்டு அக்‌ஷ்யத்ருதிக்காக பதிந்தது

தமிழிஷ் ஓட்டுப் பெட்டி பார்த்து, ஓட்டு போட்டுட்டு போங்க ப்ளீஸ்